४. अननुस्सुतवग्गवण्णना

४०१-४०६. चतुत्थवग्गस्स पञ्चमे विदिता वेदनाति या वेदना सम्मसित्वा अरहत्तं पत्तो तावस्स विदिता उप्पज्जन्ति, विदिता उपट्ठहन्ति, विदिता अब्भत्थं गच्छन्ति नाम. या च पन परिग्गहितेसु वत्थारम्मणेसु पवत्ता वेदना, तापि विदिता उप्पज्जन्ति, विदिता उपट्ठहन्ति, विदिता अब्भत्थं गच्छन्ति नाम. वितक्कादीसुपि एसेव नयो. सेसं सब्बत्थ उत्तानमेवाति.

अननुस्सुतवग्गो चतुत्थो.