५. पथवीसुत्तादिवण्णना

७८-८४. पञ्चमे महापथवियाति चक्कवाळब्भन्तराय महापथविया उद्धरित्वा. कोलट्ठिमत्तियोति पदरट्ठिपमाणा. गुळिकाति मत्तिकगुळिका. उपनिक्खिपेय्याति एकस्मिं ठाने ठपेय्य. छट्ठादीसु वुत्तनयेनेव अत्थो वेदितब्बो. परियोसाने पन अञ्ञतित्थियसमणब्राह्मणपरिब्बाजकानं अधिगमोति बाहिरकानं सब्बोपि गुणाधिगमो पठममग्गेन अधिगतगुणानं सतभागम्पि सहस्सभागम्पि सतसहस्सभागम्पि न उपगच्छतीति. पञ्चमादीनि.

अभिसमयसंयुत्तवण्णना निट्ठिता.