१०. वजिरासुत्तवण्णना

१७१. दसमे नयिध सत्तुपलब्भतीति इमस्मिं सुद्धसङ्खारपुञ्जे परमत्थतो सत्तो नाम न उपलब्भति. खन्धेसु सन्तेसूति पञ्चसु खन्धेसु विज्जमानेसु तेन तेनाकारेन ववत्थितेसु. सम्मुतीति सत्तोति समञ्ञामत्तमेव होति. दुक्खन्ति पञ्चक्खन्धदुक्खं. नाञ्ञत्र दुक्खाति ठपेत्वा दुक्खं अञ्ञो नेव सम्भोति न निरुज्झतीति. दसमं.

इति सारत्थप्पकासिनिया

संयुत्तनिकाय-अट्ठकथाय

भिक्खुनीसंयुत्तवण्णना निट्ठिता.