५. अक्कोधसुत्तवण्णना

२७१. पञ्चमे मा वो कोधो अज्झभवीति कोधो तुम्हे मा अभिभवि, तुम्हेव कोधं अभिभवथ. मा च कुज्झित्थ कुज्झितन्ति कुज्झन्तानं मा पटिकुज्झित्थ. अक्कोधोति मेत्ता च मेत्तापुब्बभागो च. अविहिंसाति करुणा च करुणापुब्बभागो च. अथ पापजनं कोधो, पब्बतोवाभिमद्दतीति लामकजनं पब्बतो विय कोधो अभिमद्दतीति. पञ्चमं.

ततियो वग्गो.

सक्कसंयुत्तवण्णना निट्ठिता.

इति सारत्थप्पकासिनिया संयुत्तनिकाय-अट्ठकथाय

सगाथावग्गवण्णना निट्ठिता.

संयुत्तनिकाय-अट्ठकथाय पठमो भागो.