५. मन्दारवपुप्फपूजकत्थेरअपदानवण्णना

देवपुत्तो अहं सन्तोतिआदिकं आयस्मतो मन्दारवपुप्फपूजकत्थेरस्स अपदानं. अयम्पि थेरो पुरिमबुद्धेसु कताधिकारो तत्थ तत्थ भवे विवट्टूपनिस्सयानि पुञ्ञानि उपचिनन्तो सिखिस्स भगवतो काले भुम्मट्ठकदेवपुत्तो हुत्वा निब्बत्तो सिखिं भगवन्तं दिस्वा पसन्नमानसो दिब्बमन्दारवपुप्फेहि पूजेसि.

२५. सो तेन पुञ्ञेनातिआदिकं सब्बं अनन्तरत्थेरस्स अपदानवण्णनाय वुत्तनयेनेव वेदितब्बन्ति.

मन्दारवपुप्फपूजकत्थेरअपदानवण्णना समत्ता.