ब्याधिपुरिसवण्णना

४७. अद्दस खोति पुब्बे वुत्तनयेनेव सुद्धावासेहि दस्सितं अद्दस. आबाधिकन्ति इरियापथभञ्जनकेन विसभागबाधेन आबाधिकं. दुक्खितन्ति रोगदुक्खेन दुक्खितं. बाळ्हगिलानन्ति अधिमत्तगिलानं. पलिपन्नन्ति निमुग्गं. जरा पञ्ञायिस्सति ब्याधि पञ्ञायिस्सतीति इधापि याय जातिया सति इदं द्वयं पञ्ञायति, धिक्कता सा जाति, अजातं खेमन्ति जातिया मूलं खणन्तो निसीदि, दुतियेन सल्लेन विद्धो विय.