३. पञ्हापुच्छकवण्णना

पञ्हापुच्छके पाळिअनुसारेनेव मेत्तादीनं कुसलादिभावो वेदितब्बो. आरम्मणत्तिकेसु पन सब्बापि तीसु तिकेसु नवतब्बारम्मणा एव. अज्झत्तारम्मणत्तिके बहिद्धारम्मणाति. इमस्मिं पन अप्पमञ्ञाविभङ्गे सम्मासम्बुद्धेन सुत्तन्तभाजनीयेपि लोकिया एव अप्पमञ्ञायो कथिता, अभिधम्मभाजनीयेपि पञ्हापुच्छकेपि. तयोपि हि एते नया लोकियत्ता एकपरिच्छेदा एव. एवमयं अप्पमञ्ञाविभङ्गोपि तेपरिवट्टं नीहरित्वाव भाजेत्वा दस्सितोति.

सम्मोहविनोदनिया विभङ्गट्ठकथाय

अप्पमञ्ञाविभङ्गवण्णना निट्ठिता.