८. अट्ठमनयो विप्पयुत्तेनसम्पयुत्तपदवण्णना

३१७. इदानि विप्पयुत्तेनसम्पयुत्तपदं भाजेतुं रूपक्खन्धेनातिआदि आरद्धं. तत्थ सब्बापि पुच्छा मोघपुच्छाव. रूपक्खन्धेन हि विप्पयुत्ता नाम चत्तारो खन्धा, तेसं अञ्ञेहि सम्पयोगो नत्थि. वेदनाक्खन्धेन विप्पयुत्तं रूपं निब्बानञ्च, तस्स च केनचि सम्पयोगो नत्थि. एवं सब्बपदेसु. विप्पयुत्तानं पन सम्पयोगाभावो वेदितब्बो. इति पुच्छाय मोघत्ता सब्बविस्सज्जनेसु नत्थि नत्थिइच्चेव वुत्तन्ति.

विप्पयुत्तेनसम्पयुत्तपदवण्णना.