१-२. सतिसम्पजञ्ञसुत्तवण्णना

८१-८२. नवमस्स पठमं हेट्ठा वुत्तनयमेव. दुतिये सद्धोति दुविधाय सद्धाय समन्नागतो. नो चुपसङ्कमिताति न उपट्ठहति. नो च परिपुच्छिताति अत्थानत्थं कारणाकारणं परिपुच्छिता न होति. समन्नागतोति सामिअत्थे पच्चत्तं, समन्नागतस्साति वुत्तं होति. एकन्तपटिभाना तथागतं धम्मदेसना होतीति तथागतस्स एकन्तपटिभाना धम्मदेसना होति, एकन्तेनेव पटिभाति उपट्ठातीति अत्थो.