९. दुतियपरिहानिसुत्तवण्णना

२९. नवमे भिक्खुदस्सनं हापेतीति भिक्खुसङ्घस्स दस्सनत्थाय गमनं हापेति. अधिसीलेति पञ्चसीलदससीलसङ्खाते उत्तमसीले. इतो बहिद्धाति इमम्हा सासना बहिद्धा. दक्खिणेय्यं गवेसतीति देय्यधम्मपटिग्गाहके परियेसति. तत्थ च पुब्बकारं करोतीति तेसं बाहिरानं तित्थियानं दत्वा पच्छा भिक्खूनं देति. सेसं सब्बत्थ उत्तानमेवाति.

वज्जिसत्तकवग्गो ततियो.