३. सुद्धिन्द्रियवारो

(क) अनुलोमं

१४०. (क) चक्खु इन्द्रियन्ति? आमन्ता.

(ख) इन्द्रिया चक्खुन्द्रियन्ति?

चक्खुन्द्रियं इन्द्रियञ्चेव चक्खुन्द्रियञ्च. अवसेसा इन्द्रिया न चक्खुन्द्रियं.

(क) सोतं इन्द्रियन्ति?

यं सोतं इन्द्रियं तं सोतञ्चेव इन्द्रियञ्च. अवसेसं सोतं न इन्द्रियं.

(ख) इन्द्रिया सोतिन्द्रियन्ति? सोतिन्द्रियं इन्द्रियञ्चेव सोतिन्द्रियञ्च. अवसेसा इन्द्रिया न सोतिन्द्रियं.

(क) घानं इन्द्रियन्ति? आमन्ता.

(ख) इन्द्रिया घानिन्द्रियन्ति?

घानिन्द्रियं इन्द्रियञ्चेव घानिन्द्रियञ्च. अवसेसा इन्द्रिया न घानिन्द्रियं.

(क) जिव्हा इन्द्रियन्ति? आमन्ता.

(ख) इन्द्रिया जिव्हिन्द्रियन्ति?

जिव्हिन्द्रियं इन्द्रियञ्चेव जिव्हिन्द्रियञ्च. अवसेसा इन्द्रिया न जिव्हिन्द्रियं.

(क) कायो इन्द्रियन्ति?

यो कायो इन्द्रियं सो कायो चेव इन्द्रियञ्च. अवसेसो कायो न इन्द्रिया.

(ख) इन्द्रिया कायिन्द्रियन्ति?

कायिन्द्रियं इन्द्रियञ्चेव कायिन्द्रियञ्च. अवसेसा इन्द्रिया न कायिन्द्रियं.

(क) मनो इन्द्रियन्ति? आमन्ता.

(ख) इन्द्रिया मनिन्द्रियन्ति?

मनिन्द्रियं इन्द्रियञ्चेव मनिन्द्रियञ्च. अवसेसा इन्द्रिया न मनिन्द्रियं.

(क) इत्थी इन्द्रियन्ति? नो.

(ख) इन्द्रिया इत्थिन्द्रियन्ति?

इत्थिन्द्रियं इन्द्रियञ्चेव इत्थिन्द्रियञ्च. अवसेसा इन्द्रिया न इत्थिन्द्रियं.

(क) पुरिसो इन्द्रियन्ति? नो.

(ख) इन्द्रिया पुरिसिन्द्रियन्ति?

पुरिसिन्द्रियं इन्द्रियञ्चेव पुरिसिन्द्रियञ्च. अवसेसा इन्द्रिया न पुरिसिन्द्रियं.

(क) जीवितं इन्द्रियन्ति? आमन्ता.

(ख) इन्द्रिया जीवितिन्द्रियन्ति?

जीवितिन्द्रियं इन्द्रियञ्चेव जीवितिन्द्रियञ्च. अवसेसा इन्द्रिया न जीवितिन्द्रियं.

(क) सुखं इन्द्रियन्ति? आमन्ता.

(ख) इन्द्रिया सुखिन्द्रियन्ति?

सुखिन्द्रियं इन्द्रियञ्चेव सुखिन्द्रियञ्च. अवसेसा इन्द्रिया न सुखिन्द्रियं.

(क) दुक्खं इन्द्रियन्ति? आमन्ता.

(ख) इन्द्रिया दुक्खिन्द्रियन्ति?

दुक्खिन्द्रियं इन्द्रियञ्चेव दुक्खिन्द्रियञ्च. अवसेसा इन्द्रिया न दुक्खिन्द्रियं.

(क) सोमनस्सं इन्द्रियन्ति? आमन्ता.

(ख) इन्द्रिया सोमनस्सिन्द्रियन्ति?

सोमनस्सिन्द्रियं इन्द्रियञ्चेव सोमनस्सिन्द्रियञ्च. अवसेसा इन्द्रिया न सोमनस्सिन्द्रियं.

(क) दोमनस्सं इन्द्रियन्ति? आमन्ता.

(क) इन्द्रिया दोमनस्सिन्द्रियन्ति?

दोमनस्सिन्द्रियं इन्द्रियञ्चेव दोमनस्सिन्द्रियञ्च. अवसेसा इन्द्रिया न दोमनस्सिन्द्रियं.

(क) उपेक्खा इन्द्रियन्ति?

या उपेक्खा इन्द्रियं सा उपेक्खा चेव इन्द्रियञ्च. अवसेसा उपेक्खा न इन्द्रियं.

(ख) इन्द्रिया उपेक्खिन्द्रियन्ति?

उपेक्खिन्द्रियं इन्द्रियञ्चेव उपेक्खिन्द्रियञ्च. अवसेसा इन्द्रिया न उपेक्खिन्द्रियं.

(क) सद्धा इन्द्रियन्ति? आमन्ता.

(ख) इन्द्रिया सद्धिन्द्रियन्ति?

सद्धिन्द्रियं इन्द्रियञ्चेव सद्धिन्द्रियञ्च. अवसेसा इन्द्रिया न सद्धिन्द्रियं.

(क) वीरियं इन्द्रियन्ति? आमन्ता.

(ख) इन्द्रिया वीरियिन्द्रियन्ति?

वीरियिन्द्रियं इन्द्रियञ्चेव वीरियिन्द्रियञ्च. अवसेसा इन्द्रिया न वीरियिन्द्रियं.

(क) सति इन्द्रियन्ति? आमन्ता.

(ख) इन्द्रिया सतिन्द्रियन्ति?

सतिन्द्रियं इन्द्रियञ्चेव सतिन्द्रियञ्च. अवसेसा इन्द्रिया न सतिन्द्रियं.

(क) समाधि इन्द्रियन्ति? आमन्ता.

(ख) इन्द्रिया समाधिन्द्रियन्ति?

समाधिन्द्रियं इन्द्रियञ्चेव समाधिन्द्रियञ्च. अवसेसा इन्द्रिया न समाधिन्द्रियं.

(क) पञ्ञा इन्द्रियन्ति? आमन्ता.

(ख) इन्द्रिया पञ्ञिन्द्रियन्ति?

पञ्ञिन्द्रियं इन्द्रियञ्चेव पञ्ञिन्द्रियञ्च. अवसेसा इन्द्रिया न पञ्ञिन्द्रियं.

(क) अनञ्ञातञ्ञस्सामीति इन्द्रियन्ति? आमन्ता.

(ख) इन्द्रिया अनञ्ञातञ्ञस्सामीतिन्द्रियन्ति?

अनञ्ञातञ्ञस्सामीतिन्द्रियं इन्द्रियञ्चेव अनञ्ञातञ्ञस्सामीतिन्द्रियञ्च. अवसेसा इन्द्रिया न अनञ्ञातञ्ञस्सामीतिन्द्रियं.

(क) अञ्ञं इन्द्रियन्ति? आमन्ता.

(ख) इन्द्रिया अञ्ञिन्द्रियन्ति?

अञ्ञिन्द्रियं इन्द्रियञ्चेव अञ्ञिन्द्रियञ्च. अवसेसा इन्द्रिया न अञ्ञिन्द्रियं.

(क) अञ्ञातावी इन्द्रियन्ति? आमन्ता.

(ख) इन्द्रिया अञ्ञाताविन्द्रियन्ति?

अञ्ञाताविन्द्रियं इन्द्रियञ्चेव अञ्ञाताविन्द्रियञ्च. अवसेसा इन्द्रिया न अञ्ञाताविन्द्रियं.

(ख) पच्चनीकं

१४१. (क) न चक्खु न इन्द्रियन्ति?

चक्खुं ठपेत्वा अवसेसा इन्द्रिया न चक्खु, इन्द्रिया. चक्खुञ्च इन्द्रिये च ठपेत्वा अवसेसा न चेव चक्खु न च इन्द्रिया.

(ख) न इन्द्रिया न चक्खुन्द्रियन्ति? आमन्ता.

(क) न सोतं न इन्द्रियन्ति?

सोतं ठपेत्वा अवसेसा इन्द्रिया न सोतं, इन्द्रिया. सोतञ्च इन्द्रिये च ठपेत्वा अवसेसा न चेव सोतं न च इन्द्रिया.

(ख) न इन्द्रिया न सोतिन्द्रियन्ति? आमन्ता.

(क) न घानं न इन्द्रियन्ति?

घानं ठपेत्वा अवसेसा इन्द्रिया न घानं, इन्द्रिया. घानञ्च इन्द्रिये च ठपेत्वा अवसेसा न चेव घानं न च इन्द्रिया.

(ख) न इन्द्रिया न घानिन्द्रियन्ति? आमन्ता.

(क) न जिव्हा न इन्द्रियन्ति?

जिव्हं ठपेत्वा अवसेसा इन्द्रिया न जिव्हा, इन्द्रिया. जिव्हञ्च इन्द्रिये च ठपेत्वा अवसेसा न चेव जिव्हा न च इन्द्रिया.

(ख) न इन्द्रिया न जिव्हिन्द्रियन्ति? आमन्ता.

(क) न कायो न इन्द्रियन्ति? आमन्ता.

(ख) न इन्द्रिया न कायिन्द्रियन्ति? आमन्ता.

(क) न मनो न इन्द्रियन्ति?

मनं ठपेत्वा अवसेसा इन्द्रिया न मनो, इन्द्रिया. मनञ्च इन्द्रिये च ठपेत्वा अवसेसा न चेव मनो न च इन्द्रिया.

(ख) न इन्द्रिया न मनिन्द्रियन्ति? आमन्ता.

(क) न इत्थी न इन्द्रियन्ति?

इत्थिं ठपेत्वा अवसेसा इन्द्रिया न इत्थी, इन्द्रिया. इत्थिञ्च इन्द्रिये च ठपेत्वा अवसेसा न चेव इत्थी न च इन्द्रिया.

(ख) न इन्द्रिया न इत्थिन्द्रियन्ति? आमन्ता.

(क) न पुरिसो न इन्द्रियन्ति?

पुरिसं ठपेत्वा अवसेसा इन्द्रिया न पुरिसो, इन्द्रिया. पुरिसञ्च इन्द्रिये च ठपेत्वा अवसेसा न चेव पुरिसो न च इन्द्रिया.

(ख) न इन्द्रिया न पुरिसिन्द्रियन्ति? आमन्ता.

(क) न जीवितं न इन्द्रियन्ति?

जीवितं ठपेत्वा अवसेसा इन्द्रिया न जीवितं, इन्द्रिया. जीवितञ्च इन्द्रिये च ठपेत्वा अवसेसा न चेव जीवितं न च इन्द्रिया.

(ख) न इन्द्रिया न जीवितिन्द्रियन्ति? आमन्ता.

(क) न सुखं न इन्द्रियन्ति?

सुखं ठपेत्वा अवसेसा इन्द्रिया न सुखं, इन्द्रिया. सुखञ्च इन्द्रिये च ठपेत्वा अवसेसा न चेव सुखं न च इन्द्रिया.

(ख) न इन्द्रिया न सुखिन्द्रियन्ति? आमन्ता.

(क) न दुक्खं न इन्द्रियन्ति?

दुक्खं ठपेत्वा अवसेसा इन्द्रिया न दुक्खं, इन्द्रिया. दुक्खञ्च इन्द्रिये च ठपेत्वा अवसेसा न चेव दुक्खं न च इन्द्रिया.

(ख) न इन्द्रिया न दुक्खिन्द्रियन्ति? आमन्ता.

(क) न सोमनस्सं न इन्द्रियन्ति?

सोमनस्सं ठपेत्वा अवसेसा इन्द्रिया न सोमनस्सं, इन्द्रिया. सोमनस्सञ्च इन्द्रिये च ठपेत्वा अवसेसा न चेव सोमनस्सं न च इन्द्रिया.

(ख) न इन्द्रिया न सोमनस्सिन्द्रियन्ति? आमन्ता.

(क) न दोमनस्सं न इन्द्रियन्ति?

दोमनस्सं ठपेत्वा अवसेसा इन्द्रिया न दोमनस्सं, इन्द्रिया. दोमनस्सञ्च इन्द्रिये च ठपेत्वा अवसेसा न चेव दोमनस्सं न च इन्द्रिया.

(ख) न इन्द्रिया न दोमनस्सिन्द्रियन्ति? आमन्ता.

(क) न उपेक्खा न इन्द्रियन्ति?

उपेक्खं ठपेत्वा अवसेसा इन्द्रिया न उपेक्खा, इन्द्रिया. उपेक्खञ्च इन्द्रिये च ठपेत्वा अवसेसा न चेव उपेक्खा न च इन्द्रिया.

(ख) न इन्द्रिया न उपेक्खिन्द्रियन्ति? आमन्ता.

(क) न सद्धा न इन्द्रियन्ति?

सद्धं ठपेत्वा अवसेसा इन्द्रिया न सद्धा, इन्द्रिया. सद्धञ्च इन्द्रिये च ठपेत्वा अवसेसा न चेव सद्धा न च इन्द्रिया.

(ख) न इन्द्रिया न सद्धिन्द्रियन्ति? आमन्ता.

(क) न वीरियं न इन्द्रियन्ति?

वीरियं ठपेत्वा अवसेसा इन्द्रिया न वीरियं, इन्द्रिया. वीरियञ्च इन्द्रिये च ठपेत्वा अवसेसा न चेव वीरियं न च इन्द्रिया.

(ख) न इन्द्रिया न वीरियिन्द्रियन्ति? आमन्ता.

(क) न सति न इन्द्रियन्ति?

सतिं ठपेत्वा अवसेसा इन्द्रिया न सति, इन्द्रिया. सतिञ्च इन्द्रिये च ठपेत्वा अवसेसा न चेव सति न च इन्द्रिया.

(ख) न इन्द्रिया न सतिन्द्रियन्ति? आमन्ता.

(क) न समाधि न इन्द्रियन्ति?

समाधिं ठपेत्वा अवसेसा इन्द्रिया न समाधि, इन्द्रिया. समाधिञ्च इन्द्रिये च ठपेत्वा अवसेसा न चेव समाधि न च इन्द्रिया.

(ख) न इन्द्रिया न समाधिन्द्रियन्ति? आमन्ता.

(क) न पञ्ञा न इन्द्रियन्ति?

पञ्ञं ठपेत्वा अवसेसा इन्द्रिया न पञ्ञा, इन्द्रिया. पञ्ञञ्च इन्द्रिये च ठपेत्वा अवसेसा न चेव पञ्ञा न च इन्द्रिया.

(ख) न इन्द्रिया न पञ्ञिन्द्रियन्ति? आमन्ता.

(क) न अनञ्ञातञ्ञस्सामीति न इन्द्रियन्ति?

अनञ्ञातञ्ञस्सामीतिं ठपेत्वा अवसेसा इन्द्रिया न अनञ्ञातञ्ञस्सामीति, इन्द्रिया. अनञ्ञातञ्ञस्सामीतिञ्च इन्द्रिये च ठपेत्वा अवसेसा न चेव अनञ्ञातञ्ञस्सामीति न च इन्द्रिया.

(ख) न इन्द्रिया न अनञ्ञातञ्ञस्सामीतिन्द्रियन्ति? आमन्ता.

(क) न अञ्ञं न इन्द्रियन्ति?

अञ्ञं ठपेत्वा अवसेसा इन्द्रिया न अञ्ञं, इन्द्रिया. अञ्ञञ्च इन्द्रिये च ठपेत्वा अवसेसा न चेव अञ्ञं न च इन्द्रिया.

(ख) न इन्द्रिया न अञ्ञिन्द्रियन्ति? आमन्ता.

(क) न अञ्ञातावी न इन्द्रियन्ति?

अञ्ञाताविं ठपेत्वा अवसेसा इन्द्रिया न अञ्ञातावी, इन्द्रिया. अञ्ञाताविञ्च इन्द्रिये च ठपेत्वा अवसेसा न चेव अञ्ञातावी न च इन्द्रिया.

(ख) न इन्द्रिया न अञ्ञाताविन्द्रियन्ति? आमन्ता.