(५) निरोधवारो

२७. (क) यं चित्तं निरुज्झति तं चित्तं निरुज्झित्थ?

(ख) यं वा पन चित्तं निरुज्झित्थ तं चित्तं निरुज्झति?

(क) यं चित्तं न निरुज्झति तं चित्तं न निरुज्झित्थ?

(ख) यं वा पन चित्तं न निरुज्झित्थ तं चित्तं न निरुज्झति?

२८. (क) यं चित्तं निरुज्झति तं चित्तं निरुज्झिस्सति?

(ख) यं वा पन चित्तं निरुज्झिस्सति तं चित्तं निरुज्झति?

(क) यं चित्तं न निरुज्झति तं चित्तं न निरुज्झिस्सति?

(ख) यं वा पन चित्तं न निरुज्झिस्सति तं चित्तं न निरुज्झति?

२९. (क) यं चित्तं निरुज्झित्थ तं चित्तं निरुज्झिस्सति?

(ख) यं वा पन चित्तं निरुज्झिस्सति तं चित्तं निरुज्झित्थ?

(क) यं चित्तं न निरुज्झित्थ तं चित्तं न निरुज्झिस्सति?

(ख) यं वा पन चित्तं न निरुज्झिस्सति तं चित्तं न निरुज्झित्थ?