६. उप्पज्जनवारो

३३०. (क) यस्स कामरागानुसयो उप्पज्जति तस्स पटिघानुसयो उप्पज्जतीति? आमन्ता.

(ख) यस्स वा पन पटिघानुसयो उप्पज्जति तस्स कामरागानुसयो उप्पज्जतीति? आमन्ता.

(क) यस्स कामरागानुसयो उप्पज्जति तस्स मानानुसयो उप्पज्जतीति? आमन्ता.

(ख) यस्स वा पन मानानुसयो उप्पज्जति तस्स कामरागानुसयो उप्पज्जतीति?

अनागामिस्स मानानुसयो उप्पज्जति, नो च तस्स कामरागानुसयो उप्पज्जति. तिण्णं पुग्गलानं मानानुसयो च उप्पज्जति कामरागानुसयो च उप्पज्जति (वित्थारेतब्बं).

३३१. (क) यस्स कामरागानुसयो नुप्पज्जति तस्स पटिघानुसयो नुप्पज्जतीति? आमन्ता.

(ख) यस्स वा पन पटिघानुसयो नुप्पज्जति तस्स कामरागानुसयो नुप्पज्जतीति? आमन्ता.

(क) यस्स कामरागानुसयो नुप्पज्जति तस्स मानानुसयो नुप्पज्जतीति?

अनागामिस्स कामरागानुसयो नुप्पज्जति, नो च तस्स मानानुसयो नुप्पज्जति. अरहतो कामरागानुसयो च नुप्पज्जति मानानुसयो च नुप्पज्जति.

(ख) यस्स वा पन मानानुसयो नुप्पज्जति तस्स कामरागानुसयो नुप्पज्जतीति? आमन्ता. (वित्थारेतब्बं).

उप्पज्जनवारो.