३. सुद्धसङ्खारवारो

(क) अनुलोमं

१६. (क) कायसङ्खारो वचीसङ्खारोति? नो.

(ख) वचीसङ्खारो कायसङ्खारोति? नो.

(क) कायसङ्खारो चित्तसङ्खारोति? नो.

(ख) चित्तसङ्खारो कायसङ्खारोति? नो.

(क) वचीसङ्खारो चित्तसङ्खारोति? नो.

(ख) चित्तसङ्खारो वचीसङ्खारोति? नो.

(ख) पच्चनीकं

१७. (क) न कायसङ्खारो न वचीसङ्खारोति?

वचीसङ्खारो न कायसङ्खारो, वचीसङ्खारो. कायसङ्खारञ्च वचीसङ्खारञ्च ठपेत्वा अवसेसा न चेव कायसङ्खारो न च वचीसङ्खारो.

(ख) न वचीसङ्खारो न कायसङ्खारोति?

कायसङ्खारो न वचीसङ्खारो, कायसङ्खारो. वचीसङ्खारञ्च कायसङ्खारञ्च ठपेत्वा अवसेसा न चेव वचीसङ्खारो न च कायसङ्खारो.

(क) न कायसङ्खारो न चित्तसङ्खारोति?

चित्तसङ्खारो न कायसङ्खारो, चित्तसङ्खारो. कायसङ्खारञ्च चित्तसङ्खारञ्च ठपेत्वा अवसेसा न चेव कायसङ्खारो न च चित्तसङ्खारो.

(ख) न चित्तसङ्खारो न कायसङ्खारोति?

कायसङ्खारो न चित्तसङ्खारो, कायसङ्खारो. चित्तसङ्खारञ्च कायसङ्खारञ्च ठपेत्वा अवसेसा न चेव चित्तसङ्खारो न च कायसङ्खारो.

१८. (क) न वचीसङ्खारो न चित्तसङ्खारोति?

चित्तसङ्खारो न वचीसङ्खारो, चित्तसङ्खारो. वचीसङ्खारञ्च चित्तसङ्खारञ्च ठपेत्वा अवसेसा न चेव वचीसङ्खारो न च चित्तसङ्खारो.

(ख) न चित्तसङ्खारो न वचीसङ्खारोति?

वचीसङ्खारो न चित्तसङ्खारो, वचीसङ्खारो. चित्तसङ्खारञ्च वचीसङ्खारञ्च ठपेत्वा अवसेसा न चेव चित्तसङ्खारो न च वचीसङ्खारो.

पण्णत्तिनिद्देसवारो.