(४) पच्चुप्पन्नातीतवारो

(क) अनुलोमपुग्गलो

१४७. (क) यस्स कायसङ्खारो उप्पज्जति तस्स वचीसङ्खारो निरुज्झित्थाति? आमन्ता.

(ख) यस्स वा पन वचीसङ्खारो निरुज्झित्थ तस्स कायसङ्खारो उप्पज्जतीति?

सब्बेसं चित्तस्स भङ्गक्खणे विना अस्सासपस्सासेहि चित्तस्स उप्पादक्खणे निरोधसमापन्नानं असञ्ञसत्तानं तेसं वचीसङ्खारो निरुज्झित्थ, नो च तेसं कायसङ्खारो उप्पज्जति. अस्सासपस्सासानं उप्पादक्खणे तेसं वचीसङ्खारो च निरुज्झित्थ कायसङ्खारो च उप्पज्जति.

(यथा उप्पादवारे पच्चुप्पन्नातीता पुच्छा अनुलोमम्पि पच्चनीकम्पि विभत्ता एवं उप्पादवारनिरोधवारेपि पच्चुप्पन्नातीता पुच्छा अनुलोमम्पि पच्चनीकम्पि विभजितब्बा.)