(१) पच्चुप्पन्नवारो

(क) अनुलोमपुग्गलो

१९९. (क) यस्स चक्खायतनं उप्पज्जति तस्स सोतायतनं निरुज्झतीति? नो.

(ख) यस्स वा पन सोतायतनं निरुज्झति तस्स चक्खायतनं उप्पज्जतीति? नो.

यस्स चक्खायतनं उप्पज्जति तस्स घानायतनं…पे… रूपायतनं… मनायतनं… धम्मायतनं निरुज्झतीति? नो.

यस्स वा पन धम्मायतनं निरुज्झति तस्स चक्खायतनं उप्पज्जतीति? नो …पे….

२००. (क) यस्स मनायतनं उप्पज्जति तस्स धम्मायतनं निरुज्झतीति? नो.

(ख) यस्स वा पन धम्मायतनं निरुज्झति तस्स मनायतनं उप्पज्जतीति? नो.

(ख) अनुलोमओकासो

२०१. यत्थ चक्खायतनं उप्पज्जति…पे… (यत्थकं नोति न कातब्बं, यत्थकं इतरेसं यत्थकानं सदिसं कातब्बं, यत्थकं तीसुपि वारेसु सदिसं).

(ग) अनुलोमपुग्गलोकासा

२०२. यस्स यत्थ चक्खायतनं उप्पज्जति तस्स तत्थ सोतायतनं निरुज्झतीति? नो.

यस्स वा पन यत्थ सोतायतनं निरुज्झति तस्स तत्थ चक्खायतनं उप्पज्जतीति? नो …पे….

२०३. (क) यस्स यत्थ मनायतनं उप्पज्जति तस्स तत्थ धम्मायतनं निरुज्झतीति? नो.

(ख) यस्स वा पन यत्थ धम्मायतनं निरुज्झति तस्स तत्थ मनायतनं उप्पज्जतीति? नो.

(घ) पच्चनीकपुग्गलो

२०४. (क) यस्स चक्खायतनं नुप्पज्जति तस्स सोतायतनं न निरुज्झतीति?

ससोतकानं चवन्तानं तेसं चक्खायतनं नुप्पज्जति, नो च तेसं सोतायतनं न निरुज्झति. अचक्खुकानं उपपज्जन्तानं असोतकानं चवन्तानं तेसं चक्खायतनञ्च नुप्पज्जति सोतायतनञ्च न निरुज्झति.

(ख) यस्स वा पन सोतायतनं न निरुज्झति तस्स चक्खायतनं नुप्पज्जतीति?

सचक्खुकानं उपपज्जन्तानं तेसं सोतायतनं न निरुज्झति, नो च तेसं चक्खायतनं नुप्पज्जति. असोतकानं चवन्तानं अचक्खुकानं उपपज्जन्तानं तेसं सोतायतनञ्च न निरुज्झति चक्खायतनञ्च नुप्पज्जति.

(क) यस्स चक्खायतनं नुप्पज्जति तस्स घानायतनं न निरुज्झतीति?

सघानकानं चवन्तानं तेसं चक्खायतनं नुप्पज्जति, नो च तेसं घानायतनं न निरुज्झति. अचक्खुकानं उपपज्जन्तानं अघानकानं चवन्तानं तेसं चक्खायतनञ्च नुप्पज्जति घानायतनञ्च न निरुज्झति.

(ख) यस्स वा पन घानायतनं न निरुज्झति तस्स चक्खायतनं नुप्पज्जतीति?

सचक्खुकानं उपपज्जन्तानं तेसं घानायतनं न निरुज्झति, नो च तेसं चक्खायतनं नुप्पज्जति. अघानकानं चवन्तानं अचक्खुकानं उपपज्जन्तानं तेसं घानायतनञ्च न निरुज्झति चक्खायतनञ्च नुप्पज्जति.

(क) यस्स चक्खायतनं नुप्पज्जति तस्स रूपायतनं न निरुज्झतीति?

सरूपकानं चवन्तानं तेसं चक्खायतनं नुप्पज्जति, नो च तेसं रूपायतनं न निरुज्झति. अचक्खुकानं उपपज्जन्तानं अरूपकानं चवन्तानं तेसं चक्खायतनञ्च नुप्पज्जति रूपायतनञ्च न निरुज्झति.

(ख) यस्स वा पन रूपायतनं न निरुज्झति तस्स चक्खायतनं नुप्पज्जतीति?

सचक्खुकानं उपपज्जन्तानं तेसं रूपायतनं न निरुज्झति, नो च तेसं चक्खायतनं नुप्पज्जति. अरूपकानं चवन्तानं अचक्खुकानं उपपज्जन्तानं तेसं रूपायतनञ्च न निरुज्झति चक्खायतनञ्च नुप्पज्जति.

(क) यस्स चक्खायतनं नुप्पज्जति तस्स मनायतनं न निरुज्झतीति?

सचित्तकानं चवन्तानं तेसं चक्खायतनं नुप्पज्जति, नो च तेसं मनायतनं न निरुज्झति. अचक्खुकानं उपपज्जन्तानं अचित्तकानं चवन्तानं तेसं चक्खायतनञ्च नुप्पज्जति मनायतनञ्च न निरुज्झति.

(ख) यस्स वा पन मनायतनं न निरुज्झति तस्स चक्खायतनं नुप्पज्जतीति?

सचक्खुकानं उपपज्जन्तानं तेसं मनायतनं न निरुज्झति, नो च तेसं चक्खायतनं नुप्पज्जति. अचित्तकानं चवन्तानं अचक्खुकानं उपपज्जन्तानं तेसं मनायतनञ्च न निरुज्झति चक्खायतनञ्च नुप्पज्जति.

(क) यस्स चक्खायतनं नुप्पज्जति तस्स धम्मायतनं न निरुज्झतीति?

सब्बेसं चवन्तानं तेसं चक्खायतनं नुप्पज्जति, नो च तेसं धम्मायतनं न निरुज्झति. अचक्खुकानं उपपज्जन्तानं तेसं चक्खायतनञ्च नुप्पज्जति धम्मायतनञ्च न निरुज्झति.

(ख) यस्स वा पन धम्मायतनं न निरुज्झति तस्स चक्खायतनं नुप्पज्जतीति?

सचक्खुकानं उपपज्जन्तानं तेसं धम्मायतनं न निरुज्झति, नो च तेसं चक्खायतनं नुप्पज्जति. अचक्खुकानं उपपज्जन्तानं तेसं धम्मायतनञ्च न निरुज्झति चक्खायतनञ्च नुप्पज्जति. (चक्खायतनमूलकं)

२०५. (क) यस्स घानायतनं नुप्पज्जति तस्स रूपायतनं न निरुज्झतीति?

सरूपकानं चवन्तानं तेसं घानायतनं नुप्पज्जति, नो च तेसं रूपायतनं न निरुज्झति. अघानकानं उपपज्जन्तानं अरूपकानं चवन्तानं तेसं घानायतनञ्च नुप्पज्जति रूपायतनञ्च न निरुज्झति.

(ख) यस्स वा पन रूपायतनं न निरुज्झति तस्स घानायतनं नुप्पज्जतीति?

सघानकानं उपपज्जन्तानं तेसं रूपायतनं न निरुज्झति, नो च तेसं घानायतनं नुप्पज्जति. अरूपकानं चवन्तानं अघानकानं उपपज्जन्तानं तेसं रूपायतनञ्च न निरुज्झति घानायतनञ्च नुप्पज्जति.

(क) यस्स घानायतनं नुप्पज्जति तस्स मनायतनं न निरुज्झतीति?

सचित्तकानं चवन्तानं तेसं घानायतनं नुप्पज्जति, नो च तेसं मनायतनं न निरुज्झति. अघानकानं उपपज्जन्तानं अचित्तकानं चवन्तानं तेसं घानायतनञ्च नुप्पज्जति मनायतनञ्च न निरुज्झति.

(ख) यस्स वा पन मनायतनं न निरुज्झति तस्स घानायतनं नुप्पज्जतीति?

सघानकानं उपपज्जन्तानं तेसं मनायतनं न निरुज्झति, नो च तेसं घानायतनं नुप्पज्जति. अचित्तकानं चवन्तानं अघानकानं उपपज्जन्तानं तेसं मनायतनञ्च न निरुज्झति घानायतनञ्च नुप्पज्जति.

(क) यस्स घानायतनं नुप्पज्जति तस्स धम्मायतनं न निरुज्झतीति?

सब्बेसं चवन्तानं तेसं घानायतनं नुप्पज्जति, नो च तेसं धम्मायतनं न निरुज्झति. अघानकानं उपपज्जन्तानं तेसं घानायतनञ्च नुप्पज्जति धम्मायतनञ्च न निरुज्झति.

(ख) यस्स वा पन धम्मायतनं न निरुज्झति तस्स घानायतनं नुप्पज्जतीति?

सघानकानं उपपज्जन्तानं तेसं धम्मायतनं न निरुज्झति, नो च तेसं घानायतनं नुप्पज्जति. अघानकानं उपपज्जन्तानं तेसं धम्मायतनञ्च न निरुज्झति घानायतनञ्च नुप्पज्जति. (घानायतनमूलकं)

२०६. (क) यस्स रूपायतनं नुप्पज्जति तस्स मनायतनं न निरुज्झतीति?

सचित्तकानं चवन्तानं तेसं रूपायतनं नुप्पज्जति, नो च तेसं मनायतनं न निरुज्झति. अरूपकानं उपपज्जन्तानं अचित्तकानं चवन्तानं तेसं रूपायतनञ्च नुप्पज्जति मनायतनञ्च न निरुज्झति.

(ख) यस्स वा पन मनायतनं न निरुज्झति तस्स रूपायतनं नुप्पज्जतीति?

सरूपकानं उपपज्जन्तानं तेसं मनायतनं न निरुज्झति, नो च तेसं रूपायतनं नुप्पज्जति. अचित्तकानं चवन्तानं अरूपकानं उपपज्जन्तानं तेसं मनायतनञ्च न निरुज्झति रूपायतनञ्च नुप्पज्जति.

(क) यस्स रूपायतनं नुप्पज्जति तस्स धम्मायतनं न निरुज्झतीति?

सब्बेसं चवन्तानं तेसं रूपायतनं नुप्पज्जति, नो च तेसं धम्मायतनं न निरुज्झति. अरूपकानं उपपज्जन्तानं तेसं रूपायतनञ्च नुप्पज्जति धम्मायतनञ्च न निरुज्झति.

(ख) यस्स वा पन धम्मायतनं न निरुज्झति तस्स रूपायतनं नुप्पज्जतीति?

सरूपकानं उपपज्जन्तानं तेसं धम्मायतनं न निरुज्झति, नो च तेसं रूपायतनं नुप्पज्जति. अरूपकानं उपपज्जन्तानं तेसं धम्मायतनञ्च न निरुज्झति रूपायतनञ्च नुप्पज्जति. (रूपायतनमूलकं)

२०७. (क) यस्स मनायतनं नुप्पज्जति तस्स धम्मायतनं न निरुज्झतीति?

सब्बेसं चवन्तानं तेसं मनायतनं नुप्पज्जति, नो च तेसं धम्मायतनं न निरुज्झति. अचित्तकानं उपपज्जन्तानं तेसं मनायतनञ्च नुप्पज्जति धम्मायतनञ्च न निरुज्झति.

(ख) यस्स वा पन धम्मायतनं न निरुज्झति तस्स मनायतनं नुप्पज्जतीति?

सचित्तकानं उपपज्जन्तानं तेसं धम्मायतनं न निरुज्झति, नो च तेसं मनायतनं नुप्पज्जति. अचित्तकानं उपपज्जन्तानं तेसं धम्मायतनञ्च न निरुज्झति मनायतनञ्च नुप्पज्जति.

(ङ) पच्चनीकओकासो

२०८. यत्थ चक्खायतनं नुप्पज्जति…पे….

(च) पच्चनीकपुग्गलोकासा

२०९. यस्स यत्थ चक्खायतनं नुप्पज्जति…पे….

(यस्सकम्पि यस्सयत्थकम्पि सदिसं).