(१) पच्चुप्पन्नवारो

(क) अनुलोमपुग्गलो

१२०. (क) यस्स चक्खायतनं निरुज्झति तस्स सोतायतनं निरुज्झतीति?

सचक्खुकानं असोतकानं चवन्तानं तेसं चक्खायतनं निरुज्झति, नो च तेसं सोतायतनं निरुज्झति. सचक्खुकानं ससोतकानं चवन्तानं तेसं चक्खायतनञ्च निरुज्झति सोतायतनञ्च निरुज्झति.

(ख) यस्स वा पन सोतायतनं निरुज्झति तस्स चक्खायतनं निरुज्झतीति?

ससोतकानं अचक्खुकानं चवन्तानं तेसं सोतायतनं निरुज्झति, नो च तेसं चक्खायतनं निरुज्झति. ससोतकानं सचक्खुकानं चवन्तानं तेसं सोतायतनञ्च निरुज्झति चक्खायतनञ्च निरुज्झति.

(क) यस्स चक्खायतनं निरुज्झति तस्स घानायतनं निरुज्झतीति?

सचक्खुकानं अघानकानं चवन्तानं तेसं चक्खायतनं निरुज्झति, नो च तेसं घानायतनं निरुज्झति. सचक्खुकानं सघानकानं चवन्तानं तेसं चक्खायतनञ्च निरुज्झति घानायतनञ्च निरुज्झति.

(ख) यस्स वा पन घानायतनं निरुज्झति तस्स चक्खायतनं निरुज्झतीति?

सघानकानं अचक्खुकानं चवन्तानं तेसं घानायतनं निरुज्झति, नो च तेसं चक्खायतनं निरुज्झति. सघानकानं सचक्खुकानं चवन्तानं तेसं घानायतनञ्च निरुज्झति चक्खायतनञ्च निरुज्झति.

(क) यस्स चक्खायतनं निरुज्झति तस्स रूपायतनं निरुज्झतीति? आमन्ता.

(ख) यस्स वा पन रूपायतनं निरुज्झति तस्स चक्खायतनं निरुज्झतीति?

सरूपकानं अचक्खुकानं चवन्तानं तेसं रूपायतनं निरुज्झति, नो च तेसं चक्खायतनं निरुज्झति. सचक्खुकानं चवन्तानं तेसं रूपायतनञ्च निरुज्झति चक्खायतनञ्च निरुज्झति.

(क) यस्स चक्खायतनं निरुज्झति तस्स मनायतनं निरुज्झतीति? आमन्ता.

(ख) यस्स वा पन मनायतनं निरुज्झति तस्स चक्खायतनं निरुज्झतीति?

सचित्तकानं अचक्खुकानं चवन्तानं तेसं मनायतनं निरुज्झति, नो च तेसं चक्खायतनं निरुज्झति. सचक्खुकानं चवन्तानं तेसं मनायतनञ्च निरुज्झति चक्खायतनञ्च निरुज्झति.

(क) यस्स चक्खायतनं निरुज्झति तस्स धम्मायतनं निरुज्झतीति? आमन्ता.

(ख) यस्स वा पन धम्मायतनं निरुज्झति तस्स चक्खायतनं निरुज्झतीति?

अचक्खुकानं चवन्तानं तेसं धम्मायतनं निरुज्झति, नो च तेसं चक्खायतनं निरुज्झति. सचक्खुकानं चवन्तानं तेसं धम्मायतनञ्च निरुज्झति चक्खायतनञ्च निरुज्झति. (चक्खायतनमूलकं)

१२१. (क) यस्स घानायतनं निरुज्झति तस्स रूपायतनं निरुज्झतीति? आमन्ता.

(ख) यस्स वा पन रूपायतनं निरुज्झति तस्स घानायतनं निरुज्झतीति?

सरूपकानं अघानकानं चवन्तानं तेसं रूपायतनं निरुज्झति, नो च तेसं घानायतनं निरुज्झति. सघानकानं चवन्तानं तेसं रूपायतनञ्च निरुज्झति घानायतनञ्च निरुज्झति.

(क) यस्स घानायतनं निरुज्झति तस्स मनायतनं निरुज्झतीति? आमन्ता.

(ख) यस्स वा पन मनायतनं निरुज्झति तस्स घानायतनं निरुज्झतीति?

सचित्तकानं अघानकानं चवन्तानं तेसं मनायतनं निरुज्झति, नो च तेसं घानायतनं निरुज्झति. सघानकानं चवन्तानं तेसं मनायतनञ्च निरुज्झति घानायतनञ्च निरुज्झति.

(क) यस्स घानायतनं निरुज्झति तस्स धम्मायतनं निरुज्झतीति? आमन्ता.

(ख) यस्स वा पन धम्मायतनं निरुज्झति तस्स घानायतनं निरुज्झतीति?

अघानकानं चवन्तानं तेसं धम्मायतनं निरुज्झति, नो च तेसं घानायतनं निरुज्झति. सघानकानं चवन्तानं तेसं धम्मायतनञ्च निरुज्झति घानायतनञ्च निरुज्झति. (घानायतनमूलकं)

१२२. (क) यस्स रूपायतनं निरुज्झति तस्स मनायतनं निरुज्झतीति?

अचित्तकानं चवन्तानं तेसं रूपायतनं निरुज्झति, नो च तेसं मनायतनं निरुज्झति. सरूपकानं सचित्तकानं चवन्तानं तेसं रूपायतनञ्च निरुज्झति मनायतनञ्च निरुज्झति.

(ख) यस्स वा पन मनायतनं निरुज्झति तस्स रूपायतनं निरुज्झतीति?

अरूपकानं चवन्तानं तेसं मनायतनं निरुज्झति, नो च तेसं रूपायतनं निरुज्झति. सरूपकानं सचित्तकानं चवन्तानं तेसं मनायतनञ्च निरुज्झति रूपायतनञ्च निरुज्झति.

(क) यस्स रूपायतनं निरुज्झति तस्स धम्मायतनं निरुज्झतीति? आमन्ता.

(ख) यस्स वा पन धम्मायतनं निरुज्झति तस्स रूपायतनं निरुज्झतीति?

अरूपकानं चवन्तानं तेसं धम्मायतनं निरुज्झति, नो च तेसं रूपायतनं निरुज्झति. सरूपकानं चवन्तानं तेसं धम्मायतनञ्च निरुज्झति रूपायतनञ्च निरुज्झति.

१२३. (क) यस्स मनायतनं निरुज्झति तस्स धम्मायतनं निरुज्झतीति? आमन्ता.

(ख) यस्स वा पन धम्मायतनं निरुज्झति तस्स मनायतनं निरुज्झतीति?

अचित्तकानं चवन्तानं तेसं धम्मायतनं निरुज्झति, नो च तेसं मनायतनं निरुज्झति. सचित्तकानं चवन्तानं तेसं धम्मायतनञ्च निरुज्झति मनायतनञ्च निरुज्झति.

(ख) अनुलोमओकासो

१२४. यत्थ चक्खायतनं निरुज्झति…पे… (उप्पादेपि निरोधेपि उप्पादनिरोधेपि यत्थकं सब्बत्थ सदिसं).

(ग) अनुलोमपुग्गलोकासा

१२५. यस्स यत्थ चक्खायतनं निरुज्झति तस्स तत्थ सोतायतनं निरुज्झतीति…पे… घानायतनं… रूपायतनं… मनायतनं… धम्मायतनं निरुज्झतीति? (यस्स यत्थकम्पि सदिसं वित्थारेतब्बं).

(घ) पच्चनीकपुग्गलो

१२६. (क) यस्स चक्खायतनं न निरुज्झति तस्स सोतायतनं न निरुज्झतीति?

अचक्खुकानं ससोतकानं चवन्तानं तेसं चक्खायतनं न निरुज्झति, नो च तेसं सोतायतनं न निरुज्झति. सब्बेसं उपपज्जन्तानं अचक्खुकानं असोतकानं चवन्तानं तेसं चक्खायतनञ्च न निरुज्झति सोतायतनञ्च न निरुज्झति.

(ख) यस्स वा पन सोतायतनं न निरुज्झति तस्स चक्खायतनं न निरुज्झतीति?

असोतकानं सचक्खुकानं चवन्तानं तेसं सोतायतनं न निरुज्झति, नो च तेसं चक्खायतनं न निरुज्झति. सब्बेसं उपपज्जन्तानं असोतकानं अचक्खुकानं चवन्तानं तेसं सोतायतनञ्च न निरुज्झति चक्खायतनञ्च न निरुज्झति.

(क) यस्स चक्खायतनं न निरुज्झति तस्स घानायतनं न निरुज्झतीति?

अचक्खुकानं सघानकानं चवन्तानं तेसं चक्खायतनं न निरुज्झति, नो च तेसं घानायतनं न निरुज्झति. सब्बेसं उपपज्जन्तानं अचक्खुकानं अघानकानं चवन्तानं तेसं चक्खायतनञ्च न निरुज्झति घानायतनञ्च न निरुज्झति.

(ख) यस्स वा पन घानायतनं न निरुज्झति तस्स चक्खायतनं न निरुज्झतीति?

अघानकानं सचक्खुकानं चवन्तानं तेसं घानायतनं न निरुज्झति, नो च तेसं चक्खायतनं न निरुज्झति. सब्बेसं उपपज्जन्तानं अघानकानं अचक्खुकानं चवन्तानं तेसं घानायतनञ्च न निरुज्झति चक्खायतनञ्च न निरुज्झति.

(क) यस्स चक्खायतनं न निरुज्झति तस्स रूपायतनं न निरुज्झतीति?

अचक्खुकानं सरूपकानं चवन्तानं तेसं चक्खायतनं न निरुज्झति, नो च तेसं रूपायतनं न निरुज्झति. सब्बेसं उपपज्जन्तानं अरूपकानं चवन्तानं तेसं चक्खायतनञ्च न निरुज्झति रूपायतनञ्च न निरुज्झति.

(ख) यस्स वा पन रूपायतनं न निरुज्झति तस्स चक्खायतनं न निरुज्झतीति? आमन्ता.

(क) यस्स चक्खायतनं न निरुज्झति तस्स मनायतनं न निरुज्झतीति?

अचक्खुकानं सचित्तकानं चवन्तानं तेसं चक्खायतनं न निरुज्झति, नो च तेसं मनायतनं न निरुज्झति. सब्बेसं उपपज्जन्तानं अचित्तकानं चवन्तानं तेसं चक्खायतनञ्च न निरुज्झति मनायतनञ्च न निरुज्झति.

(ख) यस्स वा पन मनायतनं न निरुज्झति तस्स चक्खायतनं न निरुज्झतीति? आमन्ता.

(क) यस्स चक्खायतनं न निरुज्झति तस्स धम्मायतनं न निरुज्झतीति?

अचक्खुकानं चवन्तानं तेसं चक्खायतनं न निरुज्झति, नो च तेसं धम्मायतनं न निरुज्झति. सब्बेसं उपपज्जन्तानं तेसं चक्खायतनञ्च न निरुज्झति धम्मायतनञ्च न निरुज्झति.

(ख) यस्स वा पन धम्मायतनं न निरुज्झति तस्स चक्खायतनं न निरुज्झतीति? आमन्ता. (चक्खायतनमूलकं)

१२७. (क) यस्स घानायतनं न निरुज्झति तस्स रूपायतनं न निरुज्झतीति?

अघानकानं सरूपकानं चवन्तानं तेसं घानायतनं न निरुज्झति, नो च तेसं रूपायतनं न निरुज्झति. सब्बेसं उपपज्जन्तानं अरूपकानं चवन्तानं तेसं घानायतनञ्च न निरुज्झति रूपायतनञ्च न निरुज्झति.

(ख) यस्स वा पन रूपायतनं न निरुज्झति तस्स घानायतनं न निरुज्झतीति? आमन्ता.

(क) यस्स घानायतनं न निरुज्झति तस्स मनायतनं न निरुज्झतीति?

अघानकानं सचित्तकानं चवन्तानं तेसं घानायतनं न निरुज्झति, नो च तेसं मनायतनं न निरुज्झति. सब्बेसं उपपज्जन्तानं अचित्तकानं चवन्तानं तेसं घानायतनञ्च न निरुज्झति मनायतनञ्च न निरुज्झति.

(ख) यस्स वा पन मनायतनं न निरुज्झति तस्स घानायतनं न निरुज्झतीति? आमन्ता.

(क) यस्स घानायतनं न निरुज्झति तस्स धम्मायतनं न निरुज्झतीति?

अघानकानं चवन्तानं तेसं घानायतनं न निरुज्झति, नो च तेसं धम्मायतनं न निरुज्झति. सब्बेसं उपपज्जन्तानं तेसं घानायतनञ्च न निरुज्झति धम्मायतनञ्च न निरुज्झति.

(ख) यस्स वा पन धम्मायतनं न निरुज्झति तस्स घानायतनं न निरुज्झतीति? आमन्ता. (घानायतनमूलकं)

१२८. (क) यस्स रूपायतनं न निरुज्झति तस्स मनायतनं न निरुज्झतीति?

अरूपकानं चवन्तानं तेसं रूपायतनं न निरुज्झति, नो च तेसं मनायतनं न निरुज्झति. सब्बेसं उपपज्जन्तानं तेसं रूपायतनञ्च न निरुज्झति मनायतनञ्च न निरुज्झति.

(ख) यस्स वा पन मनायतनं न निरुज्झति तस्स रूपायतनं न निरुज्झतीति?

अचित्तकानं चवन्तानं तेसं मनायतनं न निरुज्झति, नो च तेसं रूपायतनं न निरुज्झति. सब्बेसं उपपज्जन्तानं तेसं मनायतनञ्च न निरुज्झति रूपायतनञ्च न निरुज्झति.

(क) यस्स रूपायतनं न निरुज्झति तस्स धम्मायतनं न निरुज्झतीति?

अरूपकानं चवन्तानं तेसं रूपायतनं न निरुज्झति, नो च तेसं धम्मायतनं न निरुज्झति. सब्बेसं उपपज्जन्तानं तेसं रूपायतनञ्च न निरुज्झति धम्मायतनञ्च न निरुज्झति.

(ख) यस्स वा पन धम्मायतनं न निरुज्झति तस्स रूपायतनं न निरुज्झतीति? आमन्ता. (रूपायतनमूलकं)

१२९. (क) यस्स मनायतनं न निरुज्झति तस्स धम्मायतनं न निरुज्झतीति?

अचित्तकानं चवन्तानं तेसं मनायतनं न निरुज्झति, नो च तेसं धम्मायतनं न निरुज्झति. सब्बेसं उपपज्जन्तानं तेसं मनायतनञ्च न निरुज्झति धम्मायतनञ्च न निरुज्झति.

(ख) यस्स वा पन धम्मायतनं न निरुज्झति तस्स मनायतनं न निरुज्झतीति? आमन्ता.

(ङ) पच्चनीकओकासो

१३०. यत्थ चक्खायतनं न निरुज्झति…पे….

(च) पच्चनीकपुग्गलोकासा

१३१. यस्स यत्थ चक्खायतनं न निरुज्झति तस्स तत्थ सोतायतनं न निरुज्झती ति…पे… (यस्स यत्थकम्पि यस्सकसदिसं).