(२) अतीतवारो

(क) अनुलोमपुग्गलो

३८. (क) यस्स चक्खायतनं उप्पज्जित्थ तस्स सोतायतनं उप्पज्जित्थाति? आमन्ता.

(ख) यस्स वा पन सोतायतनं उप्पज्जित्थ तस्स चक्खायतनं उप्पज्जित्थाति? आमन्ता.

यस्स चक्खायतनं उप्पज्जित्थ तस्स घानायतनं…पे… रूपायतनं… मनायतनं… धम्मायतनं उप्पज्जित्थाति? आमन्ता.

यस्स वा पन धम्मायतनं उप्पज्जित्थ तस्स चक्खायतनं उप्पज्जित्थाति? आमन्ता.

३९. यस्स घानायतनं…पे… रूपायतनं… मनायतनं उप्पज्जित्थ तस्स धम्मायतनं उप्पज्जित्थाति? आमन्ता.

यस्स वा पन धम्मायतनं उप्पज्जित्थ तस्स मनायतनं उप्पज्जित्थाति? आमन्ता.

(ख) अनुलोमओकासो

४०. (क) यत्थ चक्खायतनं उप्पज्जित्थ…पे… (यत्थकं पच्चुप्पन्नेपि अतीतेपि अनागतेपि पच्चुप्पन्नातीतेपि पच्चुप्पन्नानागतेपि अतीतानागतेपि सब्बत्थ सदिसं, उप्पज्जति उप्पज्जित्थाति नामं अतिरेकं कातब्बं).

(ग) अनुलोमपुग्गलोकासा

४१. (क) यस्स यत्थ चक्खायतनं उप्पज्जित्थ तस्स तत्थ सोतायतनं उप्पज्जित्थाति? आमन्ता.

(ख) यस्स वा पन यत्थ सोतायतनं उप्पज्जित्थ तस्स तत्थ चक्खायतनं उप्पज्जित्थाति? आमन्ता.

(क) यस्स यत्थ चक्खायतनं उप्पज्जित्थ तस्स तत्थ घानायतनं उप्पज्जित्थाति?

रूपावचरानं तेसं तत्थ चक्खायतनं उप्पज्जित्थ, नो च तेसं तत्थ घानायतनं उप्पज्जित्थ. कामावचरानं तेसं तत्थ चक्खायतनञ्च उप्पज्जित्थ घानायतनञ्च उप्पज्जित्थ.

(ख) यस्स वा पन यत्थ घानायतनं उप्पज्जित्थ तस्स तत्थ चक्खायतनं उप्पज्जित्थाति? आमन्ता.

(क) यस्स यत्थ चक्खायतनं उप्पज्जित्थ तस्स तत्थ रूपायतनं उप्पज्जित्थाति? आमन्ता.

(ख) यस्स वा पन यत्थ रूपायतनं उप्पज्जित्थ तस्स तत्थ चक्खायतनं उप्पज्जित्थाति?

असञ्ञसत्तानं तेसं तत्थ रूपायतनं उप्पज्जित्थ, नो च तेसं तत्थ चक्खायतनं उप्पज्जित्थ. पञ्चवोकारानं तेसं तत्थ रूपायतनञ्च उप्पज्जित्थ चक्खायतनञ्च उप्पज्जित्थ.

(क) यस्स यत्थ चक्खायतनं उप्पज्जित्थ तस्स तत्थ मनायतनं उप्पज्जित्थाति? आमन्ता.

(ख) यस्स वा पन यत्थ मनायतनं उप्पज्जित्थ तस्स तत्थ चक्खायतनं उप्पज्जित्थाति?

अरूपानं तेसं तत्थ मनायतनं उप्पज्जित्थ, नो च तेसं तत्थ चक्खायतनं उप्पज्जित्थ. पञ्चवोकारानं तेसं तत्थ मनायतनञ्च उप्पज्जित्थ चक्खायतनञ्च उप्पज्जित्थ.

(क) यस्स यत्थ चक्खायतनं उप्पज्जित्थ तस्स तत्थ धम्मायतनं उप्पज्जित्थाति? आमन्ता.

(ख) यस्स वा पन यत्थ धम्मायतनं उप्पज्जित्थ तस्स तत्थ चक्खायतनं उप्पज्जित्थाति?

असञ्ञसत्तानं अरूपानं तेसं तत्थ धम्मायतनं उप्पज्जित्थ, नो च तेसं तत्थ चक्खायतनं उप्पज्जित्थ. पञ्चवोकारानं तेसं तत्थ धम्मायतनञ्च उप्पज्जित्थ चक्खायतनञ्च उप्पज्जित्थ. (चक्खायतनमूलकं)

४२. (क) यस्स यत्थ घानायतनं उप्पज्जित्थ तस्स तत्थ रूपायतनं उप्पज्जित्थाति? आमन्ता.

(ख) यस्स वा पन यत्थ रूपायतनं उप्पज्जित्थ तस्स तत्थ घानायतनं उप्पज्जित्थाति?

रूपावचरानं तेसं तत्थ रूपायतनं उप्पज्जित्थ, नो च तेसं तत्थ घानायतनं उप्पज्जित्थ. कामावचरानं तेसं तत्थ रूपायतनञ्च उप्पज्जित्थ घानायतनञ्च उप्पज्जित्थ.

(क) यस्स यत्थ घानायतनं उप्पज्जित्थ तस्स तत्थ मनायतनं उप्पज्जित्थाति? आमन्ता.

(ख) यस्स वा पन यत्थ मनायतनं उप्पज्जित्थ तस्स तत्थ घानायतनं उप्पज्जित्थाति?

रूपावचरानं अरूपावचरानं तेसं तत्थ मनायतनं उप्पज्जित्थ, नो च तेसं तत्थ घानायतनं उप्पज्जित्थ. कामावचरानं तेसं तत्थ मनायतनञ्च उप्पज्जित्थ घानायतनञ्च उप्पज्जित्थ.

(क) यस्स यत्थ घानायतनं उप्पज्जित्थ तस्स तत्थ धम्मायतनं उप्पज्जित्थाति? आमन्ता.

(ख) यस्स वा पन यत्थ धम्मायतनं उप्पज्जित्थ तस्स तत्थ घानायतनं उप्पज्जित्थाति?

रूपावचरानं अरूपावचरानं तेसं तत्थ धम्मायतनं उप्पज्जित्थ, नो च तेसं तत्थ घानायतनं उप्पज्जित्थ. कामावचरानं तेसं तत्थ धम्मायतनञ्च उप्पज्जित्थ घानायतनञ्च उप्पज्जित्थ. (घानायतनमूलकं)

४३. (क) यस्स यत्थ रूपायतनं उप्पज्जित्थ तस्स तत्थ मनायतनं उप्पज्जित्थाति?

असञ्ञसत्तानं तेसं तत्थ रूपायतनं उप्पज्जित्थ, नो च तेसं तत्थ मनायतनं उप्पज्जित्थ. पञ्चवोकारानं तेसं तत्थ रूपायतनञ्च उप्पज्जित्थ मनायतनञ्च उप्पज्जित्थ.

(ख) यस्स वा पन यत्थ मनायतनं उप्पज्जित्थ तस्स तत्थ रूपायतनं उप्पज्जित्थाति?

अरूपानं तेसं तत्थ मनायतनं उप्पज्जित्थ, नो च तेसं तत्थ रूपायतनं उप्पज्जित्थ. पञ्चवोकारानं तेसं तत्थ मनायतनञ्च उप्पज्जित्थ रूपायतनञ्च उप्पज्जित्थ.

(क) यस्स यत्थ रूपायतनं उप्पज्जित्थ तस्स तत्थ धम्मायतनं उप्पज्जित्थाति? आमन्ता.

(ख) यस्स वा पन यत्थ धम्मायतनं उप्पज्जित्थ तस्स तत्थ रूपायतनं उप्पज्जित्थाति?

अरूपानं तेसं तत्थ धम्मायतनं उप्पज्जित्थ, नो च तेसं तत्थ रूपायतनं उप्पज्जित्थ. पञ्चवोकारानं असञ्ञसत्तानं तेसं तत्थ धम्मायतनञ्च उप्पज्जित्थरूपायतनञ्च उप्पज्जित्थ. (रूपायतनमूलकं).

४४. (क) यस्स यत्थ मनायतनं उप्पज्जित्थ तस्स तत्थ धम्मायतनं उप्पज्जित्थाति? आमन्ता.

(ख) यस्स वा पन यत्थ धम्मायतनं उप्पज्जित्थ तस्स तत्थ मनायतनं उप्पज्जित्थाति?

असञ्ञसत्तानं तेसं तत्थ धम्मायतनं उप्पज्जित्थ, नो च तेसं तत्थ मनायतनं उप्पज्जित्थ. चतुवोकारानं पञ्चवोकारानं तेसं तत्थ धम्मायतनञ्च उप्पज्जित्थ मनायतनञ्च उप्पज्जित्थ. (मनायतनमूलकं)

(घ) पच्चनीकपुग्गलो

४५. (क) यस्स चक्खायतनं नुप्पज्जित्थ तस्स सोतायतनं नुप्पज्जित्थाति? नत्थि.

(ख) यस्स वा पन सोतायतनं नुप्पज्जित्थ तस्स चक्खायतनं नुप्पज्जित्थाति? नत्थि. (संखित्तं).

४६. (क) यस्स मनायतनं नुप्पज्जित्थ तस्स धम्मायतनं नुप्पज्जित्थाति? नत्थि.

(ख) यस्स वा पन धम्मायतनं नुप्पज्जित्थ तस्स मनायतनं नुप्पज्जित्थाति? नत्थि.…पे….

(ङ) पच्चनीकओकासो

४७. यत्थ चक्खायतनं नुप्पज्जित्थ…पे….

(च) पच्चनीकपुग्गलोकासा

४८. (क) यस्स यत्थ चक्खायतनं नुप्पज्जित्थ तस्स तत्थ सोतायतनं नुप्पज्जित्थाति? आमन्ता.

(ख) यस्स वा पन यत्थ सोतायतनं नुप्पज्जित्थ तस्स तत्थ चक्खायतनं नुप्पज्जित्थाति? आमन्ता.

(क) यस्स यत्थ चक्खायतनं नुप्पज्जित्थ तस्स तत्थ घानायतनं नुप्पज्जित्थाति? आमन्ता.

(ख) यस्स वा पन यत्थ घानायतनं नुप्पज्जित्थ तस्स तत्थ चक्खायतनं नुप्पज्जित्थाति?

रूपावचरानं तेसं तत्थ घानायतनं नुप्पज्जित्थ, नो च तेसं तत्थ चक्खायतनं नुप्पज्जित्थ. सुद्धावासानं असञ्ञसत्तानं अरूपानं तेसं तत्थ घानायतनञ्च नुप्पज्जित्थ चक्खायतनञ्च नुप्पज्जित्थ.

(क) यस्स यत्थ चक्खायतनं नुप्पज्जित्थ तस्स तत्थ रूपायतनं नुप्पज्जित्थाति?

असञ्ञसत्तानं तेसं तत्थ चक्खायतनं नुप्पज्जित्थ, नो च तेसं तत्थ रूपायतनं नुप्पज्जित्थ. सुद्धावासानं अरूपानं तेसं तत्थ चक्खायतनञ्च नुप्पज्जित्थ रूपायतनञ्च नुप्पज्जित्थ.

(ख) यस्स वा पन यत्थ रूपायतनं नुप्पज्जित्थ तस्स तत्थ चक्खायतनं नुप्पज्जित्थाति? आमन्ता.

(क) यस्स यत्थ चक्खायतनं नुप्पज्जित्थ तस्स तत्थ मनायतनं नुप्पज्जित्थाति?

अरूपानं तेसं तत्थ चक्खायतनं नुप्पज्जित्थ, नो च तेसं तत्थ मनायतनं नुप्पज्जित्थ. सुद्धावासानं असञ्ञसत्तानं तेसं तत्थ चक्खायतनञ्च नुप्पज्जित्थ मनायतनञ्च नुप्पज्जित्थ.

(ख) यस्स वा पन यत्थ मनायतनं नुप्पज्जित्थ तस्स तत्थ चक्खायतनं नुप्पज्जित्थाति? आमन्ता.

(क) यस्स यत्थ चक्खायतनं नुप्पज्जित्थ तस्स तत्थ धम्मायतनं नुप्पज्जित्थाति?

असञ्ञसत्तानं अरूपानं तेसं तत्थ चक्खायतनं नुप्पज्जित्थ, नो च तेसं तत्थ धम्मायतनं नुप्पज्जित्थ. सुद्धावासानं तेसं तत्थ चक्खायतनञ्च नुप्पज्जित्थ धम्मायतनञ्च नुप्पज्जित्थ.

(ख) यस्स वा पन यत्थ धम्मायतनं नुप्पज्जित्थ तस्स तत्थ चक्खायतनं नुप्पज्जित्थाति? आमन्ता. (चक्खायतनमूलकं)

४९. (क) यस्स यत्थ घानायतनं नुप्पज्जित्थ तस्स तत्थ रूपायतनं नुप्पज्जित्थाति?

रूपावचरानं तेसं तत्थ घानायतनं नुप्पज्जित्थ, नो च तेसं तत्थ रूपायतनं नुप्पज्जित्थ. सुद्धावासानं अरूपानं तेसं तत्थ घानायतनञ्च नुप्पज्जित्थ रूपायतनञ्च नुप्पज्जित्थ.

(ख) यस्स वा पन यत्थ रूपायतनं नुप्पज्जित्थ तस्स तत्थ घानायतनं नुप्पज्जित्थाति? आमन्ता.

(क) यस्स यत्थ घानायतनं नुप्पज्जित्थ तस्स तत्थ मनायतनं नुप्पज्जित्थाति?

रूपावचरानं अरूपावचरानं तेसं तत्थ घानायतनं नुप्पज्जित्थ, नो च तेसं तत्थ मनायतनं नुप्पज्जित्थ. सुद्धावासानं असञ्ञसत्तानं तेसं तत्थ घानायतनञ्च नुप्पज्जित्थ मनायतनञ्च नुप्पज्जित्थ.

(ख) यस्स वा पन यत्थ मनायतनं नुप्पज्जित्थ तस्स तत्थ घानायतनं नुप्पज्जित्थाति? आमन्ता.

(क) यस्स यत्थ घानायतनं नुप्पज्जित्थ तस्स तत्थ धम्मायतनं नुप्पज्जित्थाति?

रूपावचरानं अरूपावचरानं तेसं तत्थ घानायतनं नुप्पज्जित्थ, नो च तेसं तत्थ धम्मायतनं नुप्पज्जित्थ. सुद्धावासानं तेसं तत्थ घानायतनञ्च नुप्पज्जित्थ धम्मायतनञ्च नुप्पज्जित्थ.

(ख) यस्स वा पन यत्थ धम्मायतनं नुप्पज्जित्थ तस्स तत्थ घानायतनं नुप्पज्जित्थाति? आमन्ता. (घानायतनमूलकं)

५०. (क) यस्स यत्थ रूपायतनं नुप्पज्जित्थ तस्स तत्थ मनायतनं नुप्पज्जित्थाति?

अरूपानं तेसं तत्थ रूपायतनं नुप्पज्जित्थ, नो च तेसं तत्थ मनायतनं नुप्पज्जित्थ. सुद्धावासानं तेसं तत्थ रूपायतनञ्च नुप्पज्जित्थ मनायतनञ्च नुप्पज्जित्थ.

(ख) यस्स वा पन यत्थ मनायतनं नुप्पज्जित्थ तस्स तत्थ रूपायतनं नुप्पज्जित्थाति?

असञ्ञसत्तानं तेसं तत्थ मनायतनं नुप्पज्जित्थ, नो च तेसं तत्थ रूपायतनं नुप्पज्जित्थ. सुद्धावासानं तेसं तत्थ मनायतनञ्च नुप्पज्जित्थ रूपायतनञ्च नुप्पज्जित्थ.

(क) यस्स यत्थ रूपायतनं नुप्पज्जित्थ तस्स तत्थ धम्मायतनं नुप्पज्जित्थाति?

अरूपानं तेसं तत्थ रूपायतनं नुप्पज्जित्थ, नो च तेसं तत्थ धम्मायतनं नुप्पज्जित्थ. सुद्धावासानं तेसं तत्थ रूपायतनञ्च नुप्पज्जित्थ धम्मायतनञ्च नुप्पज्जित्थ.

(क) यस्स वा पन यत्थ धम्मायतनं नुप्पज्जित्थ तस्स तत्थ रूपायतनं नुप्पज्जित्थाति? आमन्ता. (रूपायतनमूलकं)

५१. (क) यस्स यत्थ मनायतनं नुप्पज्जित्थ तस्स तत्थ धम्मायतनं नुप्पज्जित्थाति?

असञ्ञसत्तानं तेसं तत्थ मनायतनं नुप्पज्जित्थ, नो च तेसं तत्थ धम्मायतनं नुप्पज्जित्थ. सुद्धावासानं तेसं तत्थ मनायतनञ्च नुप्पज्जित्थ धम्मायतनञ्च नुप्पज्जित्थ.

(ख) यस्स वा पन यत्थ धम्मायतनं नुप्पज्जित्थ तस्स तत्थ मनायतनं नुप्पज्जित्थाति? आमन्ता. (मनायतनमूलकं)