४. सुद्धायतनमूलचक्कवारो

(क) अनुलोमं

१६. (क) चक्खु आयतनन्ति? आमन्ता.

(ख) आयतना सोतायतनन्ति?

सोतायतनं आयतनञ्चेव सोतायतनञ्च. अवसेसा आयतना न सोतायतनं.

चक्खु आयतनन्ति? आमन्ता.

आयतना घानायतनं…पे… आयतना धम्मायतनन्ति?

धम्मायतनं आयतनञ्चेव धम्मायतनञ्च. अवसेसा आयतना न धम्मायतनं.

सोतं आयतनन्ति? आमन्ता.

आयतना चक्खायतनन्ति?…पे… न चक्खायतनं…पे…. आयतना धम्मायतनन्ति?…पे… न धम्मायतनं.

घानं आयतनन्ति? आमन्ता.

आयतना चक्खायतनन्ति?…पे… आयतना धम्मायतनन्ति? …पे… न धम्मायतनं…पे….

धम्मो आयतनन्ति? आमन्ता.

आयतना चक्खायतनं…पे… आयतना मनायतनन्ति?

मनायतनं आयतनञ्चेव मनायतनञ्च. अवसेसा आयतना न मनायतनं.

(चक्कं बन्धितब्बं)

(ख) पच्चनीकं

१७. (क) न चक्खु नायतनन्ति?

चक्खुं ठपेत्वा अवसेसा आयतना न चक्खु, आयतना. चक्खुञ्च आयतनञ्च ठपेत्वा अवसेसा न चेव चक्खु न च आयतना.

(ख) नायतना न सोतायतनन्ति? आमन्ता.

न चक्खु नायतनन्ति?

चक्खुं ठपेत्वा अवसेसा आयतना न चक्खु, आयतना. चक्खुञ्च आयतनञ्च ठपेत्वा अवसेसा न चेव चक्खु न च आयतना….

नायतना न घानायतनं…पे… नायतना न धम्मायतनन्ति?

आमन्ता.

न सोतं नायतनन्ति?

सोतं ठपेत्वा…पे… घानं ठपेत्वा…पे… जिव्हं ठपेत्वा…पे… न च आयतना. नायतना न धम्मायतनन्ति? आमन्ता.

न कायो नायतनन्ति? आमन्ता.

नायतना न चक्खायतनन्ति? आमन्ता.…पे…. नायतना न धम्मायतनन्ति? आमन्ता.…पे….

(क) न धम्मो नायतनन्ति? आमन्ता.

(ख) नायतना न चक्खायतनन्ति? आमन्ता.

(क) न धम्मो नायतनन्ति? आमन्ता.

(ख) नायतना न सोतायतनन्ति? आमन्ता.…पे….

नायतना न मनायतनन्ति? आमन्ता.

(चक्कं बन्धितब्बं)

पण्णत्तिनिद्देसवारो.