(३) अनागतवारो

(क) अनुलोमपुग्गलो

१७५. (क) यस्स रूपक्खन्धो उप्पज्जिस्सति तस्स वेदनाक्खन्धो निरुज्झिस्सतीति? आमन्ता.

(ख) यस्स वा पन वेदनाक्खन्धो निरुज्झिस्सति तस्स रूपक्खन्धो उप्पज्जिस्सतीति?

पच्छिमभविकानं उपपज्जन्तानं ये च अरूपं उपपज्जित्वा परिनिब्बायिस्सन्ति तेसं वेदनाक्खन्धो निरुज्झिस्सति, नो च तेसं रूपक्खन्धो उप्पज्जिस्सति. इतरेसं तेसं वेदनाक्खन्धो च निरुज्झिस्सति रूपक्खन्धो च उप्पज्जिस्सति.

१७६. (क) यस्स वेदनाक्खन्धो उप्पज्जिस्सति तस्स सञ्ञाक्खन्धो निरुज्झिस्सतीति? आमन्ता.

(ख) यस्स वा पन सञ्ञाक्खन्धो निरुज्झिस्सति तस्स वेदनाक्खन्धो उप्पज्जिस्सतीति?

पच्छिमभविकानं उपपज्जन्तानं तेसं सञ्ञाक्खन्धो निरुज्झिस्सति, नो च तेसं वेदनाक्खन्धो उप्पज्जिस्सति. इतरेसं तेसं सञ्ञाक्खन्धो च निरुज्झिस्सति वेदनाक्खन्धो च उप्पज्जिस्सति.

(ख) अनुलोमओकासो

१७७. यत्थ रूपक्खन्धो उप्पज्जिस्सति…पे….

(ग) अनुलोमपुग्गलोकासा

१७८. (क) यस्स यत्थ रूपक्खन्धो उप्पज्जिस्सति तस्स तत्थ वेदनाक्खन्धो निरुज्झिस्सतीति?

असञ्ञसत्तानं तेसं तत्थ रूपक्खन्धो उप्पज्जिस्सति, नो च तेसं तत्थ वेदनाक्खन्धो निरुज्झिस्सति. पञ्चवोकारानं तेसं तत्थ रूपक्खन्धो च उप्पज्जिस्सति वेदनाक्खन्धो च निरुज्झिस्सति.

(ख) यस्स वा पन यत्थ वेदनाक्खन्धो निरुज्झिस्सति तस्स तत्थ रूपक्खन्धो उप्पज्जिस्सतीति?

पच्छिमभविकानं पञ्चवोकारं उपपज्जन्तानं अरूपानं तेसं तत्थ वेदनाक्खन्धो निरुज्झिस्सति, नो च तेसं तत्थ रूपक्खन्धो उप्पज्जिस्सति. इतरेसं पञ्चवोकारानं तेसं तत्थ वेदनाक्खन्धो च निरुज्झिस्सति रूपक्खन्धो च उप्पज्जिस्सति.

१७९. (क) यस्स यत्थ वेदनाक्खन्धो उप्पज्जिस्सति तस्स तत्थ सञ्ञाक्खन्धो निरुज्झिस्सतीति? आमन्ता.

(ख) यस्स वा पन यत्थ सञ्ञाक्खन्धो निरुज्झिस्सति तस्स तत्थ वेदनाक्खन्धो उप्पज्जिस्सतीति?

पच्छिमभविकानं उपपज्जन्तानं तेसं तत्थ सञ्ञाक्खन्धो निरुज्झिस्सति, नो च तेसं तत्थ वेदनाक्खन्धो उप्पज्जिस्सति. इतरेसं चतुवोकारानं पञ्चवोकारानं तेसं तत्थ सञ्ञाक्खन्धो च निरुज्झिस्सति वेदनाक्खन्धो च उप्पज्जिस्सति.

(घ) पच्चनीकपुग्गलो

१८०. (क) यस्स रूपक्खन्धो नुप्पज्जिस्सति तस्स वेदनाक्खन्धो न निरुज्झिस्सतीति?

पच्छिमभविकानं उपपज्जन्तानं ये च अरूपं उपपज्जित्वा परिनिब्बायिस्सन्ति तेसं रूपक्खन्धो नुप्पज्जिस्सति, नो च तेसं वेदनाक्खन्धो न निरुज्झिस्सति. परिनिब्बन्तानं तेसं रूपक्खन्धो च नुप्पज्जिस्सति वेदनाक्खन्धो च न निरुज्झिस्सति.

(ख) यस्स वा पन वेदनाक्खन्धो न निरुज्झिस्सति तस्स रूपक्खन्धो नुप्पज्जिस्सतीति? आमन्ता.

१८१. (क) यस्स वेदनाक्खन्धो नुप्पज्जिस्सति तस्स सञ्ञाक्खन्धो न निरुज्झिस्सतीति?

पच्छिमभविकानं उपपज्जन्तानं तेसं वेदनाक्खन्धो नुप्पज्जिस्सति, नो च तेसं सञ्ञाक्खन्धो न निरुज्झिस्सति. परिनिब्बन्तानं तेसं वेदनाक्खन्धो च नुप्पज्जिस्सति सञ्ञाक्खन्धो च न निरुज्झिस्सति.

(ख) यस्स वा पन सञ्ञाक्खन्धो न निरुज्झिस्सति तस्स वेदनाक्खन्धो नुप्पज्जिस्सतीति? आमन्ता.

(ङ) पच्चनीकओकासो

१८२. यत्थ रूपक्खन्धो नुप्पज्जिस्सति…पे….

(च) पच्चनीकपुग्गलोकासा

१८३. (क) यस्स यत्थ रूपक्खन्धो नुप्पज्जिस्सति तस्स तत्थ वेदनाक्खन्धो न निरुज्झिस्सतीति?

पच्छिमभविकानं पञ्चवोकारं उपपज्जन्तानं अरूपानं तेसं तत्थ रूपक्खन्धो नुप्पज्जिस्सति, नो च तेसं तत्थ वेदनाक्खन्धो न निरुज्झिस्सति. परिनिब्बन्तानं तेसं तत्थ रूपक्खन्धो च नुप्पज्जिस्सति वेदनाक्खन्धो च न निरुज्झिस्सति.

(ख) यस्स वा पन यत्थ वेदनाक्खन्धो न निरुज्झिस्सति तस्स तत्थ रूपक्खन्धो नुप्पज्जिस्सतीति?

असञ्ञसत्तानं तेसं तत्थ वेदनाक्खन्धो न निरुज्झिस्सति, नो च तेसं तत्थ रूपक्खन्धो नुप्पज्जिस्सति. परिनिब्बन्तानं तेसं तत्थ वेदनाक्खन्धो च न निरुज्झिस्सति रूपक्खन्धो च नुप्पज्जिस्सति.

१८४. (क) यस्स यत्थ वेदनाक्खन्धो नुप्पज्जिस्सति तस्स तत्थ सञ्ञाक्खन्धो न निरुज्झिस्सतीति?

पच्छिमभविकानं उपपज्जन्तानं तेसं तत्थ वेदनाक्खन्धो नुप्पज्जिस्सति, नो च तेसं तत्थ सञ्ञाक्खन्धो न निरुज्झिस्सति. परिनिब्बन्तानं असञ्ञसत्तानं तेसं तत्थ वेदनाक्खन्धो च नुप्पज्जिस्सति सञ्ञाक्खन्धो च न निरुज्झिस्सति.

(ख) यस्स वा पन यत्थ सञ्ञाक्खन्धो न निरुज्झिस्सति तस्स तत्थ वेदनाक्खन्धो नुप्पज्जिस्सतीति? आमन्ता.