१. पच्चयानुलोमं

हेतुपच्चयो

४३. मिच्छत्तनियतं धम्मं पटिच्च नमिच्छत्तनियतो धम्मो उप्पज्जति हेतुपच्चया. मिच्छत्तनियतं धम्मं पटिच्च नसम्मत्तनियतो धम्मो उप्पज्जति हेतुपच्चया. मिच्छत्तनियतं धम्मं पटिच्च नअनियतो धम्मो उप्पज्जति हेतुपच्चया. मिच्छत्तनियतं धम्मं पटिच्च नसम्मत्तनियतो च नअनियतो च धम्मा उप्पज्जन्ति हेतुपच्चया. मिच्छत्तनियतं धम्मं पटिच्च नमिच्छत्तनियतो च नसम्मत्तनियतो च धम्मा उप्पज्जन्ति हेतुपच्चया. (५)

सम्मत्तनियतं धम्मं पटिच्च नसम्मत्तनियतो धम्मो उप्पज्जति हेतुपच्चया. सम्मत्तनियतं धम्मं पटिच्च नमिच्छत्तनियतो धम्मो उप्पज्जति हेतुपच्चया. सम्मत्तनियतं धम्मं पटिच्च नअनियतो धम्मो उप्पज्जति हेतुपच्चया. सम्मत्तनियतं धम्मं पटिच्च नमिच्छत्तनियतो च नअनियतो च धम्मा उप्पज्जन्ति हेतुपच्चया. सम्मत्तनियतं धम्मं पटिच्च नमिच्छत्तनियतो च नसम्मत्तनियतो च धम्मा उप्पज्जन्ति हेतुपच्चया. (५)

अनियतं धम्मं पटिच्च नमिच्छत्तनियतो धम्मो उप्पज्जति हेतुपच्चया… तीणि.

मिच्छत्तनियतञ्च अनियतञ्च धम्मं पटिच्च नमिच्छत्तनियतो धम्मो उप्पज्जति हेतुपच्चया… तीणि.

सम्मत्तनियतञ्च अनियतञ्च धम्मं पटिच्च नमिच्छत्तनियतो धम्मो उप्पज्जति हेतुपच्चया… तीणि. (संखित्तं.)

हेतुया एकूनवीस. (सब्बत्थ वित्थारेतब्बं.)