१. पच्चयानुलोमं

हेतुपच्चयो

४०. परित्तं धम्मं पटिच्च नपरित्तो धम्मो उप्पज्जति हेतुपच्चया. परित्तं धम्मं पटिच्च नमहग्गतो धम्मो उप्पज्जति हेतुपच्चया. परित्तं धम्मं पटिच्च नअप्पमाणो धम्मो उप्पज्जति हेतुपच्चया. परित्तं धम्मं पटिच्च नपरित्तो च नअप्पमाणो च धम्मा उप्पज्जन्ति हेतुपच्चया. परित्तं धम्मं पटिच्च नमहग्गतो च नअप्पमाणो च धम्मा उप्पज्जन्ति हेतुपच्चया. (५)

महग्गतं धम्मं पटिच्च नमहग्गतो धम्मो उप्पज्जति हेतुपच्चया. महग्गतं धम्मं पटिच्च नपरित्तो धम्मो उप्पज्जति हेतुपच्चया. महग्गतं धम्मं पटिच्च नअप्पमाणो धम्मो उप्पज्जति हेतुपच्चया. महग्गतं धम्मं पटिच्च नपरित्तो च नअप्पमाणो च धम्मा उप्पज्जन्ति हेतुपच्चया. महग्गतं धम्मं पटिच्च नमहग्गतो च नअप्पमाणो च धम्मा उप्पज्जन्ति हेतुपच्चया. (५)

अप्पमाणं धम्मं पटिच्च नअप्पमाणो धम्मो उप्पज्जति हेतुपच्चया. अप्पमाणं धम्मं पटिच्च नपरित्तो धम्मो उप्पज्जति हेतुपच्चया. अप्पमाणं धम्मं पटिच्च नमहग्गतो धम्मो उप्पज्जति हेतुपच्चया. अप्पमाणं धम्मं पटिच्च नमहग्गतो च नअप्पमाणो च धम्मा उप्पज्जन्ति हेतुपच्चया. अप्पमाणं धम्मं पटिच्च नपरित्तो च नमहग्गतो च धम्मा उप्पज्जन्ति हेतुपच्चया. (५)

परित्तञ्च अप्पमाणञ्च धम्मं पटिच्च नमहग्गतो धम्मो उप्पज्जति हेतुपच्चया. परित्तञ्च अप्पमाणञ्च धम्मं पटिच्च नअप्पमाणो धम्मो उप्पज्जति हेतुपच्चया. परित्तञ्च अप्पमाणञ्च धम्मं पटिच्च नमहग्गतो च नअप्पमाणो च धम्मा उप्पज्जन्ति हेतुपच्चया. (३)

परित्तञ्च महग्गतञ्च धम्मं पटिच्च नपरित्तो धम्मो उप्पज्जति हेतुपच्चया. परित्तञ्च महग्गतञ्च धम्मं पटिच्च नमहग्गतो धम्मो उप्पज्जति हेतुपच्चया. परित्तञ्च महग्गतञ्च धम्मं पटिच्च नअप्पमाणो धम्मो उप्पज्जति हेतुपच्चया. परित्तञ्च महग्गतञ्च धम्मं पटिच्च नपरित्तो च नअप्पमाणो च धम्मा उप्पज्जन्ति हेतुपच्चया. परित्तञ्च महग्गतञ्च धम्मं पटिच्च नमहग्गतो च नअप्पमाणो च धम्मा उप्पज्जन्ति हेतुपच्चया. (५) (संखित्तं.)

हेतुया तेवीस, आरम्मणे चुद्दस. (सब्बत्थ वित्थारेतब्बं.)