१. पच्चयानुलोमं

हेतुपच्चयो

३८. आचयगामिं धम्मं पटिच्च नआचयगामी धम्मो उप्पज्जति हेतुपच्चया. आचयगामिं धम्मं पटिच्च नअपचयगामी धम्मो उप्पज्जति हेतुपच्चया. आचयगामिं धम्मं पटिच्च ननेवाचयगामिनापचयगामी धम्मो उप्पज्जति हेतुपच्चया. आचयगामिं धम्मं पटिच्च नअपचयगामी च ननेवाचयगामिनापचयगामी च धम्मा उप्पज्जन्ति हेतुपच्चया. आचयगामिं धम्मं पटिच्च नआचयगामी च नअपचयगामी च धम्मा उप्पज्जन्ति हेतुपच्चया. (५)

अपचयगामिं धम्मं पटिच्च नअपचयगामी धम्मो उप्पज्जति हेतुपच्चया. अपचयगामिं धम्मं पटिच्च नआचयगामी धम्मो उप्पज्जति हेतुपच्चया. अपचयगामिं धम्मं पटिच्च ननेवाचयगामिनापचयगामी धम्मो उप्पज्जति हेतुपच्चया. अपचयगामिं धम्मं पटिच्च नआचयगामी च ननेवाचयगामिनापचयगामी च धम्मा उप्पज्जन्ति हेतुपच्चया. अपचयगामिं धम्मं पटिच्च नआचयगामी च नअपचयगामी च धम्मा उप्पज्जन्ति हेतुपच्चया. (५)

नेवाचयगामिनापचयगामिं धम्मं पटिच्च नआचयगामी धम्मो उप्पज्जति हेतुपच्चया. नेवाचयगामिनापचयगामिं धम्मं पटिच्च नअपचयगामी धम्मो उप्पज्जति हेतुपच्चया. नेवाचयगामिनापचयगामिं धम्मं पटिच्च नआचयगामी च नअपचयगामी च धम्मा उप्पज्जन्ति हेतुपच्चया. (३)

आचयगामिञ्च नेवाचयगामिनापचयगामिञ्च धम्मं पटिच्च नआचयगामी धम्मो उप्पज्जति हेतुपच्चया. आचयगामिञ्च नेवाचयगामिनापचयगामिञ्च धम्मं पटिच्च नअपचयगामी धम्मो उप्पज्जति हेतुपच्चया. आचयगामिञ्च नेवाचयगामिनापचयगामिञ्च धम्मं पटिच्च नआचयगामी च नअपचयगामी च धम्मा उप्पज्जन्ति हेतुपच्चया. (३)

अपचयगामिञ्च नेवाचयगामिनापचयगामिञ्च धम्मं पटिच्च नआचयगामी धम्मो उप्पज्जति हेतुपच्चया. अपचयगामिञ्च नेवाचयगामिनापचयगामिञ्च धम्मं पटिच्च नअपचयगामी धम्मो उप्पज्जति हेतुपच्चया. अपचयगामिञ्च नेवाचयगामिनापचयगामिञ्च धम्मं पटिच्च नआचयगामी च नअपचयगामी च धम्मा उप्पज्जन्ति हेतुपच्चया. (३) (संखित्तं.)

हेतुया एकूनवीस. (सब्बत्थ वित्थारो.)