१-६. हेतुदुक-चूळन्तरदुकं

८. नहेतुं नअप्पच्चयं धम्मं पटिच्च नहेतु नअप्पच्चयो धम्मो उप्पज्जति हेतुपच्चया. नहेतुं नअप्पच्चयं धम्मं पटिच्च ननहेतु नअप्पच्चयो धम्मो उप्पज्जति हेतुपच्चया. नहेतुं नअप्पच्चयं धम्मं पटिच्च नहेतु नअप्पच्चयो च ननहेतु नअप्पच्चयो च धम्मा उप्पज्जन्ति हेतुपच्चया. (३)

ननहेतुं नअप्पच्चयं धम्मं पटिच्च ननहेतु नअप्पच्चयो धम्मो उप्पज्जति हेतुपच्चया. ननहेतुं नअप्पच्चयं धम्मं पटिच्च नहेतु नअप्पच्चयो धम्मो उप्पज्जति हेतुपच्चया. ननहेतुं नअप्पच्चयं धम्मं पटिच्च नहेतु नअप्पच्चयो च ननहेतु नअप्पच्चयो च धम्मा उप्पज्जन्ति हेतुपच्चया. (३)

नहेतुं नअप्पच्चयञ्च ननहेतुं नअप्पच्चयञ्च धम्मं पटिच्च नहेतु नअप्पच्चयो धम्मो उप्पज्जति हेतुपच्चया. नहेतुं नअप्पच्चयञ्च ननहेतुं नअप्पच्चयञ्च धम्मं पटिच्च ननहेतु नअप्पच्चयो धम्मो उप्पज्जति हेतुपच्चया. नहेतुं नअप्पच्चयञ्च ननहेतुं नअप्पच्चयञ्च धम्मं पटिच्च नहेतु नअप्पच्चयो च ननहेतु नअप्पच्चयो च धम्मा उप्पज्जन्ति हेतुपच्चया. (३).

हेतुया नव.

नहेतुं नअसङ्खतं धम्मं पटिच्च….

नहेतुं नसनिदस्सनं धम्मं पटिच्च….

नहेतुं नसप्पटिघं धम्मं पटिच्च….

नहेतुं नअप्पटिघं धम्मं पटिच्च….

नहेतुं नरूपिं धम्मं पटिच्च….

नहेतुं नअरूपिं धम्मं पटिच्च….

नहेतुं नलोकियं धम्मं पटिच्च…पे… नहेतुं नलोकुत्तरं धम्मं पटिच्च….

नहेतुं नकेनचि विञ्ञेय्यं धम्मं पटिच्च…पे… नहेतुं ननकेनचि विञ्ञेय्यं धम्मं पटिच्च….