१-२. कुसलत्तिक-सहेतुकदुकं

८. नकुसलं नसहेतुकं धम्मं पटिच्च नकुसलो नसहेतुको धम्मो उप्पज्जति हेतुपच्चया. नकुसलं नसहेतुकं धम्मं पटिच्च नअकुसलो नसहेतुको धम्मो उप्पज्जति हेतुपच्चया. नकुसलं नसहेतुकं धम्मं पटिच्च नकुसलो नसहेतुको च नअकुसलो नसहेतुको च धम्मा उप्पज्जन्ति हेतुपच्चया. (३)

नअकुसलं नसहेतुकं धम्मं पटिच्च नअकुसलो नसहेतुको धम्मो उप्पज्जति हेतुपच्चया. नअकुसलं नसहेतुकं धम्मं पटिच्च नकुसलो नसहेतुको धम्मो उप्पज्जति हेतुपच्चया. नअकुसलं नसहेतुकं धम्मं पटिच्च नकुसलो नसहेतुको च नअकुसलो नसहेतुको च धम्मा उप्पज्जन्ति हेतुपच्चया. (३)

नअब्याकतं नसहेतुकं धम्मं पटिच्च नकुसलो नसहेतुको धम्मो उप्पज्जति हेतुपच्चया… तीणि.

नकुसलं नसहेतुकञ्च नअब्याकतं नसहेतुकञ्च धम्मं पटिच्च नकुसलो नसहेतुको धम्मो उप्पज्जति हेतुपच्चया… तीणि.

नकुसलं नसहेतुकञ्च नअकुसलं नसहेतुकञ्च धम्मं पटिच्च नकुसलो नसहेतुको धम्मो उप्पज्जति हेतुपच्चया… तीणि. (संखित्तं.)

हेतुया पन्नरस, आरम्मणे नव…पे… अधिपतिया नव…पे… विपाके नव…पे… अविगते पन्नरस. (सब्बत्थ वित्थारो.)

९. नकुसलं नअहेतुकं धम्मं पटिच्च नकुसलो नअहेतुको धम्मो उप्पज्जति हेतुपच्चया… पञ्च.

नअकुसलं नअहेतुकं धम्मं पटिच्च नअकुसलो नअहेतुको धम्मो उप्पज्जति हेतुपच्चया… पञ्च.

नअब्याकतं नअहेतुकं धम्मं पटिच्च नअब्याकतो नअहेतुको धम्मो उप्पज्जति हेतुपच्चया… पञ्च.

नकुसलं नअहेतुकञ्च नअब्याकतं नअहेतुकञ्च धम्मं पटिच्च नकुसलो नअहेतुको धम्मो उप्पज्जति हेतुपच्चया… तीणि.

नअकुसलं नअहेतुकञ्च नअब्याकतं नअहेतुकञ्च धम्मं पटिच्च नअकुसलो नअहेतुको धम्मो उप्पज्जति हेतुपच्चया… तीणि.

नकुसलं नअहेतुकञ्च नअकुसलं नअहेतुकञ्च धम्मं पटिच्च नकुसलो नअहेतुको धम्मो उप्पज्जति हेतुपच्चया… तीणि. (संखित्तं.)

हेतुया चतुवीस…पे… अविगते चतुवीस. (सब्बत्थ वित्थारो.)