१-७. पटिच्चवारादि

पच्चयचतुक्कं

हेतुपच्चयो

१. नहेतुं नकुसलं धम्मं पटिच्च नहेतु नकुसलो धम्मो उप्पज्जति हेतुपच्चया – नहेतुं अकुसलं अब्याकतं एकं खन्धं पटिच्च तयो खन्धा चित्तसमुट्ठानञ्च रूपं. नहेतुं नकुसलं धम्मं पटिच्च ननहेतुं नकुसलो धम्मो उप्पज्जति हेतुपच्चया – नहेतू अकुसले अब्याकते खन्धे पटिच्च हेतू. नहेतुं नकुसलं धम्मं पटिच्च नहेतु नकुसलो च ननहेतु नकुसलो च धम्मा उप्पज्जन्ति हेतुपच्चया. (३)

ननहेतुं नकुसलं धम्मं पटिच्च ननहेतु नकुसलो धम्मो उप्पज्जति हेतुपच्चया. ननहेतुं नकुसलं धम्मं पटिच्च नहेतु नकुसलो धम्मो उप्पज्जति हेतुपच्चया. ननहेतुं नकुसलं धम्मं पटिच्च नहेतु नकुसलो च ननहेतु नकुसलो च धम्मा उप्पज्जन्ति हेतुपच्चया. (३)

नहेतुं नकुसलञ्च ननहेतुं नकुसलञ्च धम्मं पटिच्च नहेतु नकुसलो धम्मो उप्पज्जति हेतुपच्चया. नहेतुं नकुसलञ्च ननहेतुं नकुसलञ्च धम्मं पटिच्च ननहेतु नकुसलो धम्मो उप्पज्जति हेतुपच्चया. नहेतुं नकुसलञ्च ननहेतुं नकुसलञ्च धम्मं पटिच्च नहेतु नकुसलो च ननहेतु नकुसलो च धम्मा उप्पज्जन्ति हेतुपच्चया. (३) (संखित्तं.)

२. हेतुया नव…पे… अविगते नव.

नहेतुया द्वे.

(सहजातवारेपि…पे… सम्पयुत्तवारेपि सब्बत्थ वित्थारो.)

हेतु-आरम्मणपच्चया

३. ननहेतु नकुसलो धम्मो ननहेतुस्स नकुसलस्स धम्मस्स हेतुपच्चयेन पच्चयो. ननहेतु नकुसलो धम्मो नहेतुस्स नकुसलस्स धम्मस्स हेतुपच्चयेन पच्चयो. ननहेतु नकुसलो धम्मो नहेतुस्स नकुसलस्स च ननहेतुस्स नकुसलस्स च धम्मस्स हेतुपच्चयेन पच्चयो. (३)

नहेतु नकुसलो धम्मो नहेतुस्स नकुसलस्स धम्मस्स आरम्मणपच्चयेन पच्चयो. (संखित्तं.)

४. हेतुया तीणि, आरम्मणे नव…पे… अविगते नव. (पञ्हावारं एवं वित्थारेतब्बं).

५. नहेतुं नअकुसलं धम्मं पटिच्च नहेतु नअकुसलो धम्मो उप्पज्जति हेतुपच्चया – नहेतुं कुसलं अब्याकतं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे…पे… नहेतुं नअकुसलं धम्मं पटिच्च ननहेतु नअकुसलो धम्मो उप्पज्जति हेतुपच्चया – नहेतू कुसले अब्याकते खन्धे पटिच्च हेतू. नहेतुं नअकुसलं धम्मं पटिच्च नहेतु नअकुसलो च ननहेतु नअकुसलो च धम्मा उप्पज्जन्ति हेतुपच्चया. (३)

ननहेतुं नअकुसलं धम्मं पटिच्च ननहेतु नअकुसलो धम्मो उप्पज्जति हेतुपच्चया. ननहेतुं नअकुसलं धम्मं पटिच्च नहेतु नअकुसलो धम्मो उप्पज्जति हेतुपच्चया. ननहेतुं नअकुसलं धम्मं पटिच्च नहेतु नअकुसलो च ननहेतु नअकुसलो च धम्मा उप्पज्जन्ति हेतुपच्चया. (३)

नहेतुं नअकुसलञ्च ननहेतुं नअकुसलञ्च धम्मं पटिच्च नहेतु नअकुसलो धम्मो उप्पज्जति हेतुपच्चया. नहेतुं नअकुसलञ्च ननहेतुं नअकुसलञ्च धम्मं पटिच्च ननहेतु नअकुसलो धम्मो उप्पज्जति हेतुपच्चया. नहेतुं नअकुसलञ्च ननहेतुं नअकुसलञ्च धम्मं पटिच्च नहेतु नअकुसलो च ननहेतु नअकुसलो च धम्मा उप्पज्जन्ति हेतुपच्चया. (३) (संखित्तं).

हेतुया नव…पे… अविगते नव. (सब्बत्थ नव.)

६. नहेतुं नअब्याकतं धम्मं पटिच्च नहेतु नअब्याकतो धम्मो उप्पज्जति हेतुपच्चया – कुसलाकुसलं नहेतुं एकं खन्धं पटिच्च तयो खन्धा, तयो खन्धे पटिच्च एको खन्धो. नहेतुं नअब्याकतं धम्मं पटिच्च ननहेतु नअब्याकतो धम्मो उप्पज्जति हेतुपच्चया. नहेतुं नअब्याकतं धम्मं पटिच्च नहेतु नअब्याकतो च ननहेतु नअब्याकतो च धम्मा उप्पज्जन्ति हेतुपच्चया. (३)

ननहेतुं नअब्याकतं धम्मं पटिच्च ननहेतु नअब्याकतो धम्मो उप्पज्जति हेतुपच्चया… तीणि.

नहेतुं नअब्याकतञ्च ननहेतुं नअब्याकतञ्च धम्मं पटिच्च नहेतु नअब्याकतो धम्मो उप्पज्जति हेतुपच्चया. नहेतुं नअब्याकतञ्च ननहेतुं नअब्याकतञ्च धम्मं पटिच्च ननहेतु नअब्याकतो धम्मो उप्पज्जति हेतुपच्चया. नहेतुं नअब्याकतञ्च ननहेतुं नअब्याकतञ्च धम्मं पटिच्च नहेतु नअब्याकतो च ननहेतु नअब्याकतो च धम्मा उप्पज्जन्ति हेतुपच्चया. (३) (संखित्तं.)

हेतुया नव…पे… अविगते नव. (सब्बत्थ नव.)

१-२ हेतुदुक-वेदनात्तिकं

७. नहेतुं नसुखाय वेदनाय सम्पयुत्तं धम्मं पटिच्च नहेतु नसुखाय वेदनाय सम्पयुत्तो धम्मो उप्पज्जति हेतुपच्चया. नहेतुं नसुखाय वेदनाय सम्पयुत्तं धम्मं पटिच्च ननहेतु नसुखाय वेदनाय सम्पयुत्तो धम्मो उप्पज्जति हेतुपच्चया. (संखित्तं.)

हेतुया नव. (सब्बत्थ नव.)

८. नहेतुं नदुक्खाय वेदनाय सम्पयुत्तं धम्मं पटिच्च नहेतु नदुक्खाय वेदनाय सम्पयुत्तो धम्मो उप्पज्जति हेतुपच्चया. (संखित्तं.)

हेतुया नव. (सब्बत्थ नव.)

९. नहेतुं नअदुक्खमसुखाय वेदनाय सम्पयुत्तं धम्मं पटिच्च नहेतु नअदुक्खमसुखाय वेदनाय सम्पयुत्तो धम्मो उप्पज्जति हेतुपच्चया. (संखित्तं.)

हेतुया नव. (सब्बत्थ नव.)