८३-१. पिट्ठिदुक-कुसलत्तिकं

७४. नदस्सनेन पहातब्बं नकुसलं धम्मं पटिच्च…पे… ननदस्सनेन पहातब्बं नकुसलं धम्मं पटिच्च….

७५. नभावनाय पहातब्बं नकुसलं धम्मं पटिच्च…पे… ननभावनाय पहातब्बं नकुसलं धम्मं पटिच्च….

७६. नदस्सनेन पहातब्बहेतुकं नकुसलं धम्मं पटिच्च…पे… ननदस्सनेन पहातब्बहेतुकं नकुसलं धम्मं पटिच्च…पे… नभावनाय पहातब्बहेतुकं नकुसलं धम्मं पटिच्च…पे… ननभावनाय पहातब्बहेतुकं नकुसलं धम्मं पटिच्च….

७७. नसवितक्कं नकुसलं धम्मं पटिच्च…पे… नअवितक्कं नकुसलं धम्मं पटिच्च…पे… नसविचारं नकुसलं धम्मं पटिच्च…पे… नअविचारं नकुसलं धम्मं पटिच्च…पे… नसप्पीतिकं नकुसलं धम्मं पटिच्च…पे… नअप्पीतिकं नकुसलं धम्मं पटिच्च …पे… नपीतिसहगतं नकुसलं धम्मं पटिच्च…पे… ननपीतिसहगतं नकुसलं धम्मं पटिच्च…पे… नसुखसहगतं नकुसलं धम्मं पटिच्च…पे… ननसुखसहगतं नकुसलं धम्मं पटिच्च…पे… नउपेक्खासहगतं नकुसलं धम्मं पटिच्च…पे… ननउपेक्खासहगतं नकुसलं धम्मं पटिच्च ….

७८. नकामावचरं नकुसलं धम्मं पटिच्च…पे… ननकामावचरं नकुसलं धम्मं पटिच्च…पे… नरूपावचरं नकुसलं धम्मं पटिच्च…पे… ननरूपावचरं नकुसलं धम्मं पटिच्च….

७९. नअरूपावचरं नकुसलं धम्मं पटिच्च…पे… ननअरूपावचरं नकुसलं धम्मं पटिच्च….

८०. नपरियापन्नं नकुसलं धम्मं पटिच्च…पे… नअपरियापन्नं नकुसलं धम्मं पटिच्च….

८१. ननिय्यानिकं नकुसलं धम्मं पटिच्च…पे… नअनिय्यानिकं नकुसलं धम्मं पटिच्च…. (संखित्तं. सब्बत्थ एकं.)

ननियतं नकुसलं धम्मं पटिच्च…पे… नअनियतं नकुसलं धम्मं पटिच्च…. (संखित्तं.)

८२. नसउत्तरं नकुसलं धम्मं पटिच्च…पे… नअनुत्तरं नकुसलं धम्मं पटिच्च…. (संखित्तं.)

८३. नसरणं नकुसलं धम्मं पटिच्च नसरणो नकुसलो धम्मो उप्पज्जति हेतुपच्चया. (१)

नअरणं नकुसलं धम्मं पटिच्च नअरणो नकुसलो धम्मो उप्पज्जति हेतुपच्चया. नअरणं नकुसलं धम्मं पटिच्च नसरणो नकुसलो धम्मो उप्पज्जति हेतुपच्चया. नअरणं नकुसलं धम्मं पटिच्च नसरणो नकुसलो च नअरणो नकुसलो च धम्मा उप्पज्जन्ति हेतुपच्चया. (३)

नसरणं नकुसलञ्च नअरणं नकुसलञ्च धम्मं पटिच्च नसरणो नकुसलो धम्मो उप्पज्जति हेतुपच्चया. (१) (संखित्तं.)

८४. नसरणं नअकुसलं धम्मं पटिच्च नसरणो नअकुसलो धम्मो उप्पज्जति हेतुपच्चया. (संखित्तं.) हेतुया एकं. (सब्बत्थ एकं.)

८५. नसरणं नअब्याकतं धम्मं पटिच्च नसरणो नअब्याकतो धम्मो उप्पज्जति हेतुपच्चया. (१)

नअरणं नअब्याकतं धम्मं पटिच्च नअरणो नअब्याकतो धम्मो उप्पज्जति हेतुपच्चया. (१) (संखित्तं.)

हेतुया द्वे, आरम्मणे द्वे…पे… अविगते द्वे.

(सहजातवारेपि…पे… पञ्हावारेपि सब्बत्थ वित्थारो.)