७. पञ्हावारो

पच्चयचतुक्कं

हेतुआरम्मणपच्चयादि

८. नकुसलो धम्मो नकुसलस्स धम्मस्स हेतुपच्चयेन पच्चयो…पे…. नकुसलो धम्मो नकुसलस्स धम्मस्स आरम्मणपच्चयेन पच्चयो. नकुसलो धम्मो नअकुसलस्स धम्मस्स आरम्मणपच्चयेन पच्चयो. नकुसलो धम्मो नअब्याकतस्स धम्मस्स आरम्मणपच्चयेन पच्चयो. नकुसलो धम्मो नकुसलस्स च नअब्याकतस्स च धम्मस्स आरम्मणपच्चयेन पच्चयो. नकुसलो धम्मो नअकुसलस्स च नअब्याकतस्स च धम्मस्स आरम्मणपच्चयेन पच्चयो. नकुसलो धम्मो नकुसलस्स च नअकुसलस्स च धम्मस्स आरम्मणपच्चयेन पच्चयो. छ.

नअकुसलो धम्मो नअकुसलस्स धम्मस्स आरम्मणपच्चयेन पच्चयो…. छ.

नअब्याकतो धम्मो नअब्याकतस्स धम्मस्स आरम्मणपच्चयेन पच्चयो…. छ.

नकुसलो च नअब्याकतो च धम्मा नकुसलस्स धम्मस्स आरम्मणपच्चयेन पच्चयो…. छ.

नअकुसलो च नअब्याकतो च धम्मा नकुसलस्स धम्मस्स आरम्मणपच्चयेन पच्चयो…. छ.

नकुसलो च नअकुसलो च धम्मा नकुसलस्स धम्मस्स आरम्मणपच्चयेन पच्चयो…. छ.

९. नकुसलो धम्मो नकुसलस्स धम्मस्स अधिपतिपच्चयेन पच्चयो… अनन्तरपच्चयेन पच्चयो… समनन्तरपच्चयेन पच्चयो… सहजातपच्चयेन पच्चयो… अञ्ञमञ्ञपच्चयेन पच्चयो… निस्सयपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो. नकुसलो धम्मो नअकुसलस्स धम्मस्स पुरेजातपच्चयेन पच्चयो…पे… नकुसलो धम्मो नकुसलस्स च नअकुसलस्स च धम्मस्स पुरेजातपच्चयेन पच्चयो. छ.

नअकुसलो धम्मो नअकुसलस्स धम्मस्स पुरेजातपच्चयेन पच्चयो. नअकुसलो धम्मो नकुसलस्स धम्मस्स पुरेजातपच्चयेन पच्चयो…पे… नअकुसलो धम्मो नकुसलस्स च नअकुसलस्स च धम्मस्स पुरेजातपच्चयेन पच्चयो. छ.

नकुसलो च नअकुसलो च धम्मा नकुसलस्स धम्मस्स पुरेजातपच्चयेन पच्चयो. नकुसलो च नअकुसलो च धम्मा नअकुसलस्स धम्मस्स पुरेजातपच्चयेन पच्चयो…पे… नकुसलो च नअकुसलो च धम्मा नकुसलस्स च नअकुसलस्स च धम्मस्स पुरेजातपच्चयेन पच्चयो. छ. (संखित्तं.)

१०. हेतुया एकूनतिंस, आरम्मणे छत्तिंस, अधिपतिया पञ्चतिंस, अनन्तरे चतुत्तिंस, समनन्तरे चतुत्तिंस, सहजाते एकूनतिंस, अञ्ञमञ्ञे चतुवीस, निस्सये चतुत्तिंस, उपनिस्सये छत्तिंस, पुरेजाते अट्ठारस, पच्छाजाते अट्ठारस, आसेवने चतुवीस, कम्मे एकूनतिंस, विपाके नव, आहारे एकूनतिंस…पे… अविगते चतुत्तिंस.

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं एवं गणेतब्बं.)