१-६. पटिच्चवारादि

पच्चयचतुक्कं

हेतु-आरम्मणपच्चया

१. नकुसलं धम्मं पटिच्च नकुसलो धम्मो उप्पज्जति हेतुपच्चया – अकुसलं अब्याकतं एकं खन्धं पटिच्च अकुसला अब्याकता तयो खन्धा चित्तसमुट्ठानञ्च रूपं…पे… द्वे खन्धे पटिच्च द्वे खन्धा चित्तसमुट्ठानञ्च रूपं. नकुसलं धम्मं पटिच्च नअकुसलो धम्मो उप्पज्जति हेतुपच्चया. नकुसलं धम्मं पटिच्च नअब्याकतो धम्मो उप्पज्जति हेतुपच्चया. नकुसलं धम्मं पटिच्च नकुसलो च नअब्याकतो च धम्मा उप्पज्जन्ति हेतुपच्चया. नकुसलं धम्मं पटिच्च नकुसलो च नअकुसलो च धम्मा उप्पज्जन्ति हेतुपच्चया. पञ्च.

२. नअकुसलं धम्मं पटिच्च नअकुसलो धम्मो उप्पज्जति हेतुपच्चया. नअकुसलं धम्मं पटिच्च नकुसलो धम्मो उप्पज्जति हेतुपच्चया. नअकुसलं धम्मं पटिच्च नअब्याकतो धम्मो उप्पज्जति हेतुपच्चया. नअकुसलं धम्मं पटिच्च नअकुसलो च नअब्याकतो च धम्मा उप्पज्जन्ति हेतुपच्चया. नअकुसलं धम्मं पटिच्च नकुसलो च नअकुसलो च धम्मा उप्पज्जन्ति हेतुपच्चया. पञ्च.

३. नअब्याकतं धम्मं पटिच्च नअब्याकतो धम्मो उप्पज्जति हेतुपच्चया. नअब्याकतं धम्मं पटिच्च नकुसलो धम्मो उप्पज्जति हेतुपच्चया. नअब्याकतं धम्मं पटिच्च नअकुसलो धम्मो उप्पज्जति हेतुपच्चया. नअब्याकतं धम्मं पटिच्च नकुसलो च नअब्याकतो च धम्मा उप्पज्जन्ति हेतुपच्चया. नअब्याकतं धम्मं पटिच्च नअकुसलो च नअब्याकतो च धम्मा उप्पज्जन्ति हेतुपच्चया. नअब्याकतं धम्मं पटिच्च नकुसलो च नअकुसलो च धम्मा उप्पज्जन्ति हेतुपच्चया. छ.

४. नकुसलञ्च नअब्याकतञ्च धम्मं पटिच्च नकुसलो धम्मो उप्पज्जति हेतुपच्चया. नकुसलञ्च नअब्याकतञ्च धम्मं पटिच्च नअकुसलो धम्मो उप्पज्जति हेतुपच्चया. नकुसलञ्च नअब्याकतञ्च धम्मं पटिच्च नअब्याकतो धम्मो उप्पज्जति हेतुपच्चया. नकुसलञ्च नअब्याकतञ्च धम्मं पटिच्च नकुसलो च नअब्याकतो च धम्मा उप्पज्जन्ति हेतुपच्चया. नकुसलञ्च नअब्याकतञ्च धम्मं पटिच्च नकुसलो च नअकुसलो च धम्मा उप्पज्जन्ति हेतुपच्चया. पञ्च.

५. नअकुसलञ्च नअब्याकतञ्च धम्मं पटिच्च नकुसलो धम्मो उप्पज्जति हेतुपच्चया. नअकुसलञ्च नअब्याकतञ्च धम्मं पटिच्च नअकुसलो धम्मो उप्पज्जति हेतुपच्चया. नअकुसलञ्च नअब्याकतञ्च धम्मं पटिच्च नअब्याकतो धम्मो उप्पज्जति हेतुपच्चया. नअकुसलञ्च नअब्याकतञ्च धम्मं पटिच्च नअकुसलो च नअब्याकतो च धम्मा उप्पज्जन्ति हेतुपच्चया. नअकुसलञ्च नअब्याकतञ्च धम्मं पटिच्च नकुसलो च नअकुसलो च धम्मा उप्पज्जन्ति हेतुपच्चया. पञ्च.

६. नकुसलञ्च नअकुसलञ्च धम्मं पटिच्च नकुसलो धम्मो उप्पज्जति हेतुपच्चया. नकुसलञ्च नअकुसलञ्च धम्मं पटिच्च नअकुसलो धम्मो उप्पज्जति हेतुपच्चया. नकुसलञ्च नअकुसलञ्च धम्मं पटिच्च नकुसलो च नअकुसलो च धम्मा उप्पज्जन्ति हेतुपच्चया. तीणि.

नकुसलं धम्मं पटिच्च नकुसलो धम्मो उप्पज्जति आरम्मणपच्चया. (संखित्तं.)

७. हेतुया एकूनतिंस, आरम्मणे चतुवीस…पे… अविगते एकूनतिंस.

(सहजातवारम्पि पच्चयवारम्पि निस्सयवारम्पि संसट्ठवारम्पि सम्पयुत्तवारम्पि पटिच्चवारसदिसं.)