१००-८३. सरणदुक-पिट्ठिदुकं

८६. नसरणं नदस्सनेन पहातब्बं धम्मं पटिच्च सरणो दस्सनेन पहातब्बो धम्मो उप्पज्जति हेतुपच्चया. हेतुया एकं.

नअरणं ननदस्सनेन पहातब्बं धम्मं पटिच्च अरणो नदस्सनेन पहातब्बो धम्मो उप्पज्जति हेतुपच्चया. हेतुया एकं. (संखित्तं.)

८७. नसरणं नसउत्तरं धम्मं पटिच्च अरणो सउत्तरो धम्मो उप्पज्जति हेतुपच्चया. हेतुया एकं.

(सहजातवारम्पि पच्चयवारम्पि निस्सयवारम्पि संसट्ठवारम्पि सम्पयुत्तवारम्पि पटिच्चवारसदिसं.)

पञ्हावारो

हेतु-आरम्मणपच्चया

८८. नसरणो नसउत्तरो धम्मो अरणस्स सउत्तरस्स धम्मस्स हेतुपच्चयेन पच्चयो. एकं.

नसरणो नसउत्तरो धम्मो अरणस्स सउत्तरस्स धम्मस्स आरम्मणपच्चयेन पच्चयो. एकं. हेतुया एकं.

पच्चनीयुद्धारो

८९. नसरणो नसउत्तरो धम्मो अरणस्स सउत्तरस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो… (संखित्तं.) नहेतुया एकं, नआरम्मणे एकं.

हेतुपच्चया नआरम्मणे एकं. (संखित्तं.)

नहेतुपच्चया आरम्मणे एकं. (संखित्तं.)

(यथा कुसलत्तिके पञ्हावारं एवं वित्थारेतब्बं.)

अनुत्तरपदं

हेतु-अनन्तरपच्चया

९०. नसरणं नअनुत्तरं धम्मं पच्चया अरणो अनुत्तरो धम्मो उप्पज्जति हेतुपच्चया. हेतुया एकं…पे… अविगते एकं.

९१. नसरणो नअनुत्तरो धम्मो अरणस्स अनुत्तरस्स धम्मस्स अनन्तरपच्चयेन पच्चयो. अनन्तरे एकं, समनन्तरे एकं, उपनिस्सये द्वे, पुरेजाते एकं, आसेवने एकं, विप्पयुत्ते एकं, अत्थिया एकं, नत्थिया एकं, विगते एकं, अविगते एकं.

पच्चनीयुद्धारो

९२. नसरणो नअनुत्तरो धम्मो अरणस्स अनुत्तरस्स धम्मस्स उपनिस्सयपच्चयेन पच्चयो… पुरेजातपच्चयेन पच्चयो.

नअरणो नअनुत्तरो धम्मो अरणस्स अनुत्तरस्स धम्मस्स उपनिस्सयपच्चयेन पच्चयो. नहेतुया द्वे, नआरम्मणे द्वे…पे… नउपनिस्सये एकं, नपुरेजाते द्वे…पे… नोअविगते द्वे.

उपनिस्सयपच्चया नहेतुया द्वे. (संखित्तं.)

नहेतुपच्चया उपनिस्सये द्वे, पुरेजाते एकं…पे… अत्थिया एकं…पे… अविगते एकं. (संखित्तं.)

(यथा कुसलत्तिके पञ्हावारं एवं वित्थारेतब्बं.)

अनुलोमदुकतिकपट्ठानतो पट्ठाय याव परियोसाना तिंसमत्तेहि भाणवारेहि पट्ठानं.

धम्मपच्चनीयानुलोमे दुकदुकपट्ठानं निट्ठितं.

पच्चनीयानुलोमपट्ठानं निट्ठितं.

पट्ठानपकरणं निट्ठितं.