१००-४. सरणदुक-हेतुसहेतुकदुकादि

६५. नसरणं नहेतुञ्चेव नअहेतुकञ्च धम्मं पटिच्च अरणो हेतु चेव सहेतुको च धम्मो उप्पज्जति हेतुपच्चया. नअरणं नहेतुञ्चेव नअहेतुकञ्च धम्मं पटिच्च सरणो हेतु चेव सहेतुको च धम्मो उप्पज्जति हेतुपच्चया. हेतुया द्वे.

नसरणं नअहेतुकञ्चेव ननहेतुञ्च धम्मं पटिच्च अरणो सहेतुको चेव न च हेतु धम्मो उप्पज्जति हेतुपच्चया. नअरणं नअहेतुकञ्चेव ननहेतुञ्च धम्मं पटिच्च सरणो सहेतुको चेव न च हेतु धम्मो उप्पज्जति हेतुपच्चया. हेतुया द्वे. (हेतुहेतुसम्पयुत्तदुकं संखित्तं.)