१-१. हेतुदुक-सहेतुकदुकं

१. नहेतुं नसहेतुकं धम्मं पटिच्च हेतु सहेतुको धम्मो उप्पज्जति हेतुपच्चया. नहेतुं नसहेतुकं धम्मं पटिच्च नहेतु सहेतुको धम्मो उप्पज्जति हेतुपच्चया. नहेतुं नसहेतुकं धम्मं पटिच्च हेतु सहेतुको च नहेतु सहेतुको च धम्मा उप्पज्जन्ति हेतुपच्चया. तीणि.

ननहेतुं नसहेतुकं धम्मं पटिच्च नहेतु सहेतुको धम्मो उप्पज्जति हेतुपच्चया. एकं.

हेतुया चत्तारि, आरम्मणे चत्तारि…पे… अविगते चत्तारि.

२. ननहेतु नअहेतुको धम्मो नहेतुस्स अहेतुकस्स धम्मस्स हेतुपच्चयेन पच्चयो.

हेतुया एकं, आरम्मणे छ…पे… अविगते पञ्च. (पञ्हावारं वित्थारेतब्बं.)

३. नहेतुं नअहेतुकं धम्मं पटिच्च नहेतु अहेतुको धम्मो उप्पज्जति हेतुपच्चया. एकं.

ननहेतुं नअहेतुकं धम्मं पटिच्च नहेतु अहेतुको धम्मो उप्पज्जति हेतुपच्चया. एकं.

नहेतुं नअहेतुकञ्च ननहेतुं नअहेतुकञ्च धम्मं पटिच्च नहेतु अहेतुको धम्मो उप्पज्जति हेतुपच्चया. एकं. हेतुया तीणि.