१-७. पटिच्चवारादि

पच्चयचतुक्कं

७२. सप्पच्चयं हेतुं धम्मं पटिच्च सप्पच्चयो हेतु धम्मो उप्पज्जति हेतुपच्चया. (सब्बत्थ एकं.)

सप्पच्चयं नहेतुं धम्मं पटिच्च सप्पच्चयो नहेतु धम्मो उप्पज्जति हेतुपच्चया. (सब्बत्थ एकं.)

७३. सङ्खतं हेतुं धम्मं पटिच्च सङ्खतो हेतु धम्मो उप्पज्जति हेतुपच्चया. (सब्बत्थ एकं.)

सङ्खतं नहेतुं धम्मं पटिच्च सङ्खतो नहेतु धम्मो उप्पज्जति हेतुपच्चया. (सब्बत्थ एकं).

७४. अनिदस्सनं हेतुं धम्मं पटिच्च अनिदस्सनो हेतु धम्मो उप्पज्जति हेतुपच्चया. (सब्बत्थ एकं.)

अनिदस्सनं नहेतुं धम्मं पटिच्च अनिदस्सनो नहेतु धम्मो उप्पज्जति हेतुपच्चया. (संखित्तं.)

हेतुया तीणि, आरम्मणे एकं…पे… अविगते तीणि. (संखित्तं.)

७५. अप्पटिघं हेतुं धम्मं पटिच्च सप्पटिघो हेतु धम्मो उप्पज्जति हेतुपच्चया. (सब्बत्थ एकं.)

सप्पटिघं नहेतुं धम्मं पटिच्च सप्पटिघो नहेतु धम्मो उप्पज्जति हेतुपच्चया… तीणि.

अप्पटिघं नहेतुं धम्मं पटिच्च अप्पटिघो नहेतु धम्मो उप्पज्जति हेतुपच्चया… तीणि.

सप्पटिघं नहेतुञ्च अप्पटिघं नहेतुञ्च धम्मं पटिच्च सप्पटिघो नहेतु धम्मो उप्पज्जति हेतुपच्चया… तीणि. (संखित्तं.)

हेतुया नव, आरम्मणे एकं…पे… अञ्ञमञ्ञे छ…पे… अविगते नव.

७६. अरूपिं हेतुं धम्मं पटिच्च अरूपी हेतु धम्मो उप्पज्जति हेतुपच्चया. (सब्बत्थ एकं.)

रूपिं नहेतुं धम्मं पटिच्च रूपी नहेतु धम्मो उप्पज्जति हेतुपच्चया. (संखित्तं.)

हेतुया नव.

७७. लोकियं हेतुं धम्मं पटिच्च लोकियो हेतु धम्मो उप्पज्जति हेतुपच्चया. (१)

लोकुत्तरं हेतुं धम्मं पटिच्च लोकुत्तरो हेतु धम्मो उप्पज्जति हेतुपच्चया. (१) (सब्बत्थ द्वे.)

लोकियं नहेतुं धम्मं पटिच्च लोकियो नहेतु धम्मो उप्पज्जति हेतुपच्चया. (१)

लोकुत्तरं नहेतुं धम्मं पटिच्च लोकुत्तरो नहेतु धम्मो उप्पज्जति हेतुपच्चया… तीणि.

लोकियं नहेतुञ्च लोकुत्तरं नहेतुञ्च धम्मं पटिच्च लोकियो नहेतु धम्मो उप्पज्जति हेतुपच्चया. (१) (संखित्तं.)

हेतुया पञ्च.

७८. केनचि विञ्ञेय्यं हेतुं धम्मं पटिच्च…पे… नकेनचि विञ्ञेय्यं हेतुं धम्मं पटिच्च… (सब्बत्थ नव).

केनचि विञ्ञेय्यं नहेतुं धम्मं पटिच्च…पे… नकेनचि विञ्ञेय्यं नहेतुं धम्मं पटिच्च… (सब्बत्थ नव).