१-१८. हेतुदुक-आसवविप्पयुत्तसासवदुकं

४२. हेतुं आसवविप्पयुत्तं सासवं धम्मं पटिच्च हेतु आसवविप्पयुत्तो सासवो धम्मो उप्पज्जति हेतुपच्चया. (संखित्तं.)

हेतुया नव…पे… अविगते नव. (सब्बत्थ वित्थारो.)

हेतुं आसवविप्पयुत्तं अनासवं धम्मं पटिच्च हेतु आसवविप्पयुत्तो अनासवो धम्मो उप्पज्जति हेतुपच्चया. (संखित्तं.)

हेतुया नव…पे… अविगते नव. (सब्बत्थ वित्थारो.)

हेतुदुकआसवगोच्छकं निट्ठितं.