१-७. पटिच्चवारादि

पच्चयचतुक्कं

हेतुपच्चयो

१. हेतुं सहेतुकं धम्मं पटिच्च हेतु सहेतुको धम्मो उप्पज्जति हेतुपच्चया. हेतुं सहेतुकं धम्मं पटिच्च नहेतु सहेतुको धम्मो उप्पज्जति हेतुपच्चया. हेतुं सहेतुकं धम्मं पटिच्च हेतु सहेतुको च नहेतु सहेतुको च धम्मा उप्पज्जन्ति हेतुपच्चया. (३)

२. नहेतुं सहेतुकं धम्मं पटिच्च नहेतु सहेतुको धम्मो उप्पज्जति हेतुपच्चया. नहेतुं सहेतुकं धम्मं पटिच्च हेतु सहेतुको धम्मो उप्पज्जति हेतुपच्चया. नहेतुं सहेतुकं धम्मं पटिच्च हेतु सहेतुको च नहेतु सहेतुको च धम्मा उप्पज्जन्ति हेतुपच्चया. (३)

३. हेतुं सहेतुकञ्च नहेतुं सहेतुकञ्च धम्मं पटिच्च हेतु सहेतुको धम्मो उप्पज्जति हेतुपच्चया. हेतुं सहेतुकञ्च नहेतुं सहेतुकञ्च धम्मं पटिच्च नहेतु सहेतुको धम्मो उप्पज्जति हेतुपच्चया. हेतुं सहेतुकञ्च नहेतुं सहेतुकञ्च धम्मं पटिच्च हेतु सहेतुको च नहेतु सहेतुको च धम्मा उप्पज्जन्ति हेतुपच्चया. (३)

४. हेतुया नव, आरम्मणे नव…पे… अविगते नव. (संखित्तं.)

पच्चनीयं

नअधिपतिपच्चयो

५. हेतुं सहेतुकं धम्मं पटिच्च हेतु सहेतुको धम्मो उप्पज्जति नअधिपतिपच्चया. (संखित्तं.)

नअधिपतिया नव, नपुरेजाते नव, नपच्छाजाते नव, नकम्मे तीणि, नविपाके नव, नविप्पयुत्ते नव. (संखित्तं.)

हेतुपच्चया नअधिपतिया नव. (संखित्तं.)

नअधिपतिपच्चया हेतुया नव. (संखित्तं.)

(सहजातवारम्पि पच्चयवारम्पि निस्सयवारम्पि संसट्ठवारम्पि सम्पयुत्तवारम्पि पटिच्चवारसदिसं.)

हेतु-आरम्मणपच्चया

६. हेतु सहेतुको धम्मो हेतुस्स सहेतुकस्स धम्मस्स हेतुपच्चयेन पच्चयो. हेतु सहेतुको धम्मो नहेतुस्स सहेतुकस्स धम्मस्स हेतुपच्चयेन पच्चयो. हेतु सहेतुको धम्मो हेतुस्स सहेतुकस्स च नहेतुस्स सहेतुकस्स च धम्मस्स हेतुपच्चयेन पच्चयो. (३)

७. हेतु सहेतुको धम्मो हेतुस्स सहेतुकस्स धम्मस्स आरम्मणपच्चयेन पच्चयो. हेतु सहेतुको धम्मो नहेतुस्स सहेतुकस्स धम्मस्स आरम्मणपच्चयेन पच्चयो. हेतु सहेतुको धम्मो हेतुस्स सहेतुकस्स च नहेतुस्स सहेतुकस्स च धम्मस्स आरम्मणपच्चयेन पच्चयो. (३)

नहेतु सहेतुको धम्मो नहेतुस्स सहेतुकस्स धम्मस्स आरम्मणपच्चयेन पच्चयो. नहेतु सहेतुको धम्मो हेतुस्स सहेतुकस्स धम्मस्स आरम्मणपच्चयेन पच्चयो. नहेतु सहेतुको धम्मो हेतुस्स सहेतुकस्स च नहेतुस्स सहेतुकस्स च धम्मस्स आरम्मणपच्चयेन पच्चयो. (३)

हेतु सहेतुको च नहेतु सहेतुको च धम्मा हेतुस्स सहेतुकस्स धम्मस्स आरम्मणपच्चयेन पच्चयो. हेतु सहेतुको च नहेतु सहेतुको च धम्मा नहेतुस्स सहेतुकस्स धम्मस्स आरम्मणपच्चयेन पच्चयो. हेतु सहेतुको च नहेतु सहेतुको च धम्मा हेतुस्स सहेतुकस्स च नहेतुस्स सहेतुकस्स च धम्मस्स आरम्मणपच्चयेन पच्चयो. (३) (संखित्तं.)

८. हेतुया तीणि, आरम्मणे नव…पे… उपनिस्सये नव अविगते नव. (संखित्तं.)

(यथा कुसलत्तिके पञ्हावारं, एवं वित्थारेतब्बं.)

अहेतुकपदं

पच्चयचतुक्कं

९. हेतुं अहेतुकं धम्मं पटिच्च नहेतु अहेतुको धम्मो उप्पज्जति हेतुपच्चया. (१)

नहेतुं अहेतुकं धम्मं पटिच्च नहेतु अहेतुको धम्मो उप्पज्जति हेतुपच्चया. (१)

हेतुं अहेतुकञ्च नहेतुं अहेतुकञ्च धम्मं पटिच्च नहेतु अहेतुको धम्मो उप्पज्जति हेतुपच्चया. (१) (संखित्तं.)

हेतुया तीणि, आरम्मणे एकं, अविगते तीणि. (संखित्तं. सहजातवारम्पि…पे… सम्पयुत्तवारम्पि पटिच्चवारसदिसं.)

१०. हेतु अहेतुको धम्मो नहेतुस्स अहेतुकस्स धम्मस्स हेतुपच्चयेन पच्चयो. (१)

हेतु अहेतुको धम्मो हेतुस्स अहेतुकस्स धम्मस्स आरम्मणपच्चयेन पच्चयो. हेतु अहेतुको धम्मो नहेतुस्स अहेतुकस्स धम्मस्स आरम्मणपच्चयेन पच्चयो. (२)

नहेतु अहेतुको धम्मो नहेतुस्स अहेतुकस्स धम्मस्स आरम्मणपच्चयेन पच्चयो. नहेतु अहेतुको धम्मो हेतुस्स अहेतुकस्स धम्मस्स आरम्मणपच्चयेन पच्चयो. (२) (संखित्तं.)

११. हेतुया एकं, आरम्मणे चत्तारि, अविगते चत्तारि. (संखित्तं.)

(यथा कुसलत्तिके पञ्हावारं, एवं वित्थारेतब्बं.)