२२-७. सनिदस्सनत्तिक-पीतित्तिकं

५४. नसनिदस्सनसप्पटिघं नपीतिसहगतं धम्मं पटिच्च अनिदस्सनअप्पटिघो पीतिसहगतो धम्मो उप्पज्जति हेतुपच्चया… हेतुया तीणि.

नसनिदस्सनसप्पटिघं नसुखसहगतं धम्मं पटिच्च अनिदस्सनअप्पटिघो सुखसहगतो धम्मो उप्पज्जति हेतुपच्चया… हेतुया तीणि.

नसनिदस्सनसप्पटिघं नउपेक्खासहगतं धम्मं पटिच्च अनिदस्सनअप्पटिघो उपेक्खासहगतो धम्मो उप्पज्जति हेतुपच्चया… हेतुया तीणि.