२२-५. सनिदस्सनत्तिक-संकिलिट्ठत्तिकं

५२. नसनिदस्सनसप्पटिघं नसंकिलिट्ठसंकिलेसिकं धम्मं पच्चया अनिदस्सनअप्पटिघो संकिलिट्ठसंकिलेसिको धम्मो उप्पज्जति हेतुपच्चया… हेतुया तीणि.

नसनिदस्सनसप्पटिघं नअसंकिलिट्ठसंकिलेसिकं धम्मं पटिच्च सनिदस्सनसप्पटिघो असंकिलिट्ठसंकिलेसिको धम्मो उप्पज्जति हेतुपच्चया… हेतुया एकवीस.

नसनिदस्सनसप्पटिघं नअसंकिलिट्ठअसंकिलेसिकं धम्मं पच्चया अनिदस्सनअप्पटिघो असंकिलिट्ठअसंकिलेसिको धम्मो उप्पज्जति हेतुपच्चया… हेतुया तीणि.