२२-१००. सनिदस्सनत्तिक-सरणदुकं

११४. नसनिदस्सनसप्पटिघं नसरणं धम्मं पच्चया अनिदस्सनअप्पटिघो सरणो धम्मो उप्पज्जति हेतुपच्चया… हेतुया तीणि.

नसनिदस्सनसप्पटिघं नअरणं धम्मं पटिच्च सनिदस्सनसप्पटिघो अरणो धम्मो उप्पज्जति हेतुपच्चया… सत्त.

नअनिदस्सनसप्पटिघं नअरणं धम्मं पटिच्च सनिदस्सनसप्पटिघो अरणो धम्मो उप्पज्जति हेतुपच्चया… सत्त.

नसनिदस्सनसप्पटिघं नअरणञ्च नअनिदस्सनसप्पटिघं नअरणञ्च धम्मं पटिच्च सनिदस्सनसप्पटिघो अरणो धम्मो उप्पज्जति हेतुपच्चया… सत्त. हेतुया एकवीस.

(सहजातवारम्पि पटिच्चवारसदिसं वित्थारेतब्बं.)

हेतुआरम्मणपच्चयादि

११५. नसनिदस्सनसप्पटिघो नअरणो धम्मो सनिदस्सनसप्पटिघस्स अरणस्स धम्मस्स हेतुपच्चयेन पच्चयो… सत्त.

नअनिदस्सनसप्पटिघो नअरणो धम्मो सनिदस्सनसप्पटिघस्स अरणस्स धम्मस्स हेतुपच्चयेन पच्चयो… सत्त.

नसनिदस्सनसप्पटिघो नअरणो च नअनिदस्सनसप्पटिघो नअरणो च धम्मा सनिदस्सनसप्पटिघस्स अरणस्स धम्मस्स हेतुपच्चयेन पच्चयो… सत्त.

११६. नसनिदस्सनसप्पटिघो नअरणो धम्मो अनिदस्सनअप्पटिघस्स अरणस्स धम्मस्स आरम्मणपच्चयेन पच्चयो. नअनिदस्सनसप्पटिघो नअरणो धम्मो अनिदस्सनअप्पटिघस्स अरणस्स धम्मस्स आरम्मणपच्चयेन पच्चयो. नसनिदस्सनसप्पटिघो नअरणो च नअनिदस्सनसप्पटिघो नअरणो च धम्मा अनिदस्सनअप्पटिघस्स अरणस्स धम्मस्स आरम्मणपच्चयेन पच्चयो.

११७. हेतुया एकवीस, आरम्मणे तीणि…पे… अविगते एकवीस.

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)

धम्मपच्चनीयानुलोमे तिकदुकपट्ठानं निट्ठितं.