२२-१. सनिदस्सनत्तिक-हेतुदुकं

५७. नसनिदस्सनसप्पटिघं नहेतुं धम्मं पटिच्च अनिदस्सनअप्पटिघो हेतु धम्मो उप्पज्जति हेतुपच्चया. नअनिदस्सनसप्पटिघं नहेतुं धम्मं पटिच्च अनिदस्सनअप्पटिघो हेतु धम्मो उप्पज्जति हेतुपच्चया. नसनिदस्सनसप्पटिघं नहेतुञ्च नअनिदस्सनसप्पटिघं नहेतुञ्च धम्मं पटिच्च अनिदस्सनअप्पटिघो हेतु धम्मो उप्पज्जति हेतुपच्चया. हेतुया तीणि.

नसनिदस्सनसप्पटिघं ननहेतुं धम्मं पटिच्च सनिदस्सनसप्पटिघो नहेतु धम्मो उप्पज्जति हेतुपच्चया. नसनिदस्सनसप्पटिघं ननहेतुं धम्मं पटिच्च अनिदस्सनसप्पटिघो नहेतु धम्मो उप्पज्जति हेतुपच्चया. (नहेतु ननहेतु ओवत्ता, तीणि मूलानि, एकवीसति पञ्हा कातब्बा.)