१-९९. कुसलत्तिक-सउत्तरदुकं

३५. नकुसलं नसउत्तरं धम्मं पटिच्च अब्याकतो सउत्तरो धम्मो उप्पज्जति हेतुपच्चया. नअकुसलं नसउत्तरं धम्मं पटिच्च अब्याकतो सउत्तरो धम्मो उप्पज्जति हेतुपच्चया. नअब्याकतं नसउत्तरं धम्मं पटिच्च अब्याकतो सउत्तरो धम्मो उप्पज्जति हेतुपच्चया. नअकुसलं नसउत्तरञ्च नअब्याकतं नसउत्तरञ्च धम्मं पटिच्च अब्याकतो सउत्तरो धम्मो उप्पज्जति हेतुपच्चया. नकुसलं नसउत्तरञ्च नअकुसलं नसउत्तरञ्च धम्मं पटिच्च अब्याकतो सउत्तरो धम्मो उप्पज्जति हेतुपच्चया. हेतुया पञ्च.

नकुसलं नअनुत्तरं धम्मं पच्चया कुसलो अनुत्तरो धम्मो उप्पज्जति हेतुपच्चया… (संखित्तं.) हेतुया छ…पे… विपाके तीणि…पे… अविगते छ.