१-९७. कुसलत्तिक-निय्यानिकदुकं

३३. नकुसलं ननिय्यानिकं धम्मं पच्चया कुसलो निय्यानिको धम्मो उप्पज्जति हेतुपच्चया… हेतुया तीणि.

नकुसलं नअनिय्यानिकं धम्मं पटिच्च अब्याकतो अनिय्यानिको धम्मो उप्पज्जति हेतुपच्चया. नअब्याकतं नअनिय्यानिकं धम्मं पटिच्च अब्याकतो अनिय्यानिको धम्मो उप्पज्जति हेतुपच्चया. नअकुसलं नअनिय्यानिकञ्च नअब्याकतं नअनिय्यानिकञ्च धम्मं पटिच्च अब्याकतो अनिय्यानिको धम्मो उप्पज्जति हेतुपच्चया. हेतुया तीणि.