२२-२. सनिदस्सनत्तिक-वेदनात्तिकं

४५. अनिदस्सनअप्पटिघं सुखाय वेदनाय सम्पयुत्तं धम्मं पटिच्च नअनिदस्सनअप्पटिघो नसुखाय वेदनाय सम्पयुत्तो धम्मो उप्पज्जति हेतुपच्चया… हेतुया छ.

अनिदस्सनअप्पटिघं दुक्खाय वेदनाय सम्पयुत्तं धम्मं पटिच्च नअनिदस्सनअप्पटिघो नदुक्खाय वेदनाय सम्पयुत्तो धम्मो उप्पज्जति हेतुपच्चया… हेतुया छ.

अनिदस्सनअप्पटिघं अदुक्खमसुखाय वेदनाय सम्पयुत्तं धम्मं पटिच्च नअनिदस्सनअप्पटिघो नअदुक्खमसुखाय वेदनाय सम्पयुत्तो धम्मो उप्पज्जति हेतुपच्चया… हेतुया छ.