२२-२०-५४. सनिदस्सनत्तिक-सञ्ञोजनादिदुकानि

१०७. अनिदस्सनअप्पटिघं सञ्ञोजनं धम्मं पटिच्च नअनिदस्सनअप्पटिघो नोसञ्ञोजनो धम्मो उप्पज्जति हेतुपच्चया.

१०८. अनिदस्सनअप्पटिघं गन्थं धम्मं पटिच्च नअनिदस्सनअप्पटिघो नोगन्थो धम्मो उप्पज्जति हेतुपच्चया…पे….

अनिदस्सनअप्पटिघं ओघं धम्मं पटिच्च नअनिदस्सनअप्पटिघो नोओघो धम्मो उप्पज्जति हेतुपच्चया…पे….

अनिदस्सनअप्पटिघं योगं धम्मं पटिच्च नअनिदस्सनअप्पटिघो नोयोगो धम्मो उप्पज्जति हेतुपच्चया. (संखित्तं.)

१०९. अनिदस्सनअप्पटिघं नीवरणं धम्मं पटिच्च नअनिदस्सनअप्पटिघो नोनीवरणो धम्मो उप्पज्जति हेतुपच्चया.

११०. अनिदस्सनअप्पटिघं परामासं धम्मं पटिच्च नअनिदस्सनअप्पटिघो नोपरामासो धम्मो उप्पज्जति हेतुपच्चया.