२२-३. सनिदस्सनत्तिक-हेतुसम्पयुत्तदुकं

९१. अनिदस्सनअप्पटिघं हेतुसम्पयुत्तं धम्मं पटिच्च नअनिदस्सनअप्पटिघो नहेतुसम्पयुत्तो धम्मो उप्पज्जति हेतुपच्चया. अनिदस्सनअप्पटिघं हेतुसम्पयुत्तं धम्मं पटिच्च नसनिदस्सनसप्पटिघो नहेतुसम्पयुत्तो धम्मो उप्पज्जति हेतुपच्चया…पे… अनिदस्सनअप्पटिघं हेतुसम्पयुत्तं धम्मं पटिच्च नसनिदस्सनसप्पटिघो नहेतुसम्पयुत्तो च नअनिदस्सनसप्पटिघो नहेतुसम्पयुत्तो च धम्मा उप्पज्जन्ति हेतुपच्चया… हेतुया छ.

अनिदस्सनअप्पटिघं हेतुविप्पयुत्तं धम्मं पटिच्च नसनिदस्सनसप्पटिघो नहेतुविप्पयुत्तो धम्मो उप्पज्जति हेतुपच्चया… हेतुया तीणि.