१-७. पटिच्चवारादि

पच्चयचतुक्कं

हेतुपच्चयो

६. कुसलं सहेतुकं धम्मं पटिच्च नकुसलो नसहेतुको धम्मो उप्पज्जति हेतुपच्चया. कुसलं सहेतुकं धम्मं पटिच्च नअकुसलो नसहेतुको धम्मो उप्पज्जति हेतुपच्चया. कुसलं सहेतुकं धम्मं पटिच्च नकुसलो नसहेतुको च नअकुसलो नसहेतुको च धम्मा उप्पज्जन्ति हेतुपच्चया. तीणि.

अकुसलं सहेतुकं धम्मं पटिच्च नअकुसलो नसहेतुको धम्मो उप्पज्जति हेतुपच्चया. अकुसलं सहेतुकं धम्मं पटिच्च नकुसलो नसहेतुको धम्मो उप्पज्जति हेतुपच्चया. अकुसलं सहेतुकं धम्मं पटिच्च नकुसलो नसहेतुको च नअकुसलो नसहेतुको च धम्मा उप्पज्जन्ति हेतुपच्चया. तीणि.

अब्याकतं सहेतुकं धम्मं पटिच्च नकुसलो नसहेतुको धम्मो उप्पज्जति हेतुपच्चया. अब्याकतं सहेतुकं धम्मं पटिच्च नअकुसलो नसहेतुको धम्मो उप्पज्जति हेतुपच्चया. अब्याकतं सहेतुकं धम्मं पटिच्च नकुसलो नसहेतुको च नअकुसलो नसहेतुको च धम्मा उप्पज्जन्ति हेतुपच्चया. तीणि.

हेतुया नव, आरम्मणे तीणि…पे… अविगते एकादस. (सहजातवारम्पि…पे… सम्पयुत्तवारम्पि पटिच्चवारसदिसं.)

७. कुसलो सहेतुको धम्मो नकुसलस्स नसहेतुकस्स धम्मस्स हेतुपच्चयेन पच्चयो. कुसलो सहेतुको धम्मो नअकुसलस्स नसहेतुकस्स धम्मस्स हेतुपच्चयेन पच्चयो. कुसलो सहेतुको धम्मो नकुसलस्स नसहेतुकस्स च नअकुसलस्स नसहेतुकस्स च धम्मस्स हेतुपच्चयेन पच्चयो. तीणि.

अकुसलो सहेतुको धम्मो नअकुसलस्स नसहेतुकस्स धम्मस्स हेतुपच्चयेन पच्चयो. अकुसलो सहेतुको धम्मो नकुसलस्स नसहेतुकस्स धम्मस्स हेतुपच्चयेन पच्चयो. अकुसलो सहेतुको धम्मो नकुसलस्स नसहेतुकस्स च नअकुसलस्स नसहेतुकस्स च धम्मस्स हेतुपच्चयेन पच्चयो. तीणि.

अब्याकतो सहेतुको धम्मो नकुसलस्स नसहेतुकस्स धम्मस्स हेतुपच्चयेन पच्चयो. अब्याकतो सहेतुको धम्मो नअकुसलस्स नसहेतुकस्स धम्मस्स हेतुपच्चयेन पच्चयो. अब्याकतो सहेतुको धम्मो नकुसलस्स नसहेतुकस्स च नअकुसलस्स नसहेतुकस्स च धम्मस्स हेतुपच्चयेन पच्चयो. तीणि. (संखित्तं.)

८. हेतुया नव, आरम्मणे पन्नरस…पे… अविगते एकादस.

९. अकुसलं अहेतुकं धम्मं पटिच्च नकुसलो नअहेतुको धम्मो उप्पज्जति हेतुपच्चया. अकुसलं अहेतुकं धम्मं पटिच्च नअब्याकतो नअहेतुको धम्मो उप्पज्जति हेतुपच्चया. अकुसलं अहेतुकं धम्मं पटिच्च नकुसलो नअहेतुको च नअब्याकतो नअहेतुको च धम्मा उप्पज्जन्ति हेतुपच्चया. तीणि.

अब्याकतं अहेतुकं धम्मं पटिच्च नकुसलो नअहेतुको धम्मो उप्पज्जति हेतुपच्चया. अब्याकतं अहेतुकं धम्मं पटिच्च नअकुसलो नअहेतुको धम्मो उप्पज्जति हेतुपच्चया. अब्याकतं अहेतुकं धम्मं पटिच्च नकुसलो नअहेतुको च नअकुसलो नअहेतुको च धम्मा उप्पज्जन्ति हेतुपच्चया. तीणि.

हेतुया छ, आरम्मणे छ…पे… अविगते छ.