४-१. उपादिन्नत्तिक-हेतुदुकं

६९. उपादिन्नुपादानियं हेतुं धम्मं पटिच्च नउपादिन्नुपादानियो नहेतु धम्मो उप्पज्जति हेतुपच्चया. उपादिन्नुपादानियं हेतुं धम्मं पटिच्च नअनुपादिन्नुपादानियो नहेतु धम्मो उप्पज्जति हेतुपच्चया. उपादिन्नुपादानियं हेतुं धम्मं पटिच्च नअनुपादिन्नअनुपादानियो नहेतु धम्मो उप्पज्जति हेतुपच्चया. उपादिन्नुपादानियं हेतुं धम्मं पटिच्च नउपादिन्नुपादानियो नहेतु च नअनुपादिन्नअनुपादानियो नहेतु च धम्मा उप्पज्जन्ति हेतुपच्चया. उपादिन्नुपादानियं हेतुं धम्मं पटिच्च नअनुपादिन्नुपादानियो नहेतु च नअनुपादिन्नअनुपादानियो नहेतु च धम्मा उप्पज्जन्ति हेतुपच्चया. पञ्च.

अनुपादिन्नुपादानियं हेतुं धम्मं पटिच्च नउपादिन्नुपादानियो नहेतु धम्मो उप्पज्जति हेतुपच्चया… तीणि.

अनुपादिन्नअनुपादानियं हेतुं धम्मं पटिच्च नअनुपादिन्नअनुपादानियो नहेतु धम्मो उप्पज्जति हेतुपच्चया… पञ्च… हेतुया तेरस.

७०. उपादिन्नुपादानियं नहेतुं धम्मं पटिच्च नअनुपादिन्नुपादानियो ननहेतु धम्मो उप्पज्जति हेतुपच्चया… तीणि… हेतुया नव.