१-८३. कुसलत्तिक-पिट्ठिदुकं

४७. अकुसलं दस्सनेन पहातब्बं धम्मं पटिच्च नअकुसलो नदस्सनेन पहातब्बो धम्मो उप्पज्जति हेतुपच्चया. अकुसलं दस्सनेन पहातब्बं धम्मं पटिच्च नकुसलो नदस्सनेन पहातब्बो धम्मो उप्पज्जति हेतुपच्चया. अकुसलं दस्सनेन पहातब्बं धम्मं पटिच्च नकुसलो नदस्सनेन पहातब्बो च नअकुसलो नदस्सनेन पहातब्बो च धम्मा उप्पज्जन्ति हेतुपच्चया. हेतुया तीणि.

अब्याकतं नदस्सनेन पहातब्बं धम्मं पच्चया नअब्याकतो ननदस्सनेन पहातब्बो धम्मो उप्पज्जति हेतुपच्चया. अब्याकतं नदस्सनेन पहातब्बं धम्मं पच्चया नकुसलो ननदस्सनेन पहातब्बो धम्मो उप्पज्जति हेतुपच्चया. अब्याकतं नदस्सनेन पहातब्बं धम्मं पच्चया नकुसलो ननदस्सनेन पहातब्बो च नअब्याकतो ननदस्सनेन पहातब्बो च धम्मा उप्पज्जन्ति हेतुपच्चया. हेतुया तीणि.

४८. अकुसलं भावनाय पहातब्बं धम्मं पटिच्च नअकुसलो नभावनाय पहातब्बो धम्मो उप्पज्जति हेतुपच्चया. अकुसलं भावनाय पहातब्बं धम्मं पटिच्च नकुसलो नभावनाय पहातब्बो धम्मो उप्पज्जति हेतुपच्चया. अकुसलं भावनाय पहातब्बं धम्मं पटिच्च नकुसलो नभावनाय पहातब्बो च नअकुसलो नभावनाय पहातब्बो च धम्मा उप्पज्जन्ति हेतुपच्चया. हेतुया तीणि.

अब्याकतं नभावनाय पहातब्बं धम्मं पच्चया नअब्याकतो ननभावनाय पहातब्बो धम्मो उप्पज्जति हेतुपच्चया… हेतुया तीणि.

४९. अकुसलं दस्सनेन पहातब्बहेतुकं धम्मं पटिच्च नअकुसलो नदस्सनेन पहातब्बहेतुको धम्मो उप्पज्जति हेतुपच्चया… हेतुया तीणि.

अकुसलं नदस्सनेन पहातब्बहेतुकं धम्मं पटिच्च नकुसलो ननदस्सनेन पहातब्बहेतुको धम्मो उप्पज्जति हेतुपच्चया… हेतुया तीणि.

अब्याकतं नदस्सनेन पहातब्बहेतुकं धम्मं पच्चया नअब्याकतो ननदस्सनेन पहातब्बहेतुको धम्मो उप्पज्जति हेतुपच्चया… हेतुया तीणि.

५०. अकुसलं भावनाय पहातब्बहेतुकं धम्मं पटिच्च नअकुसलो नभावनाय पहातब्बहेतुको धम्मो उप्पज्जति हेतुपच्चया… हेतुया तीणि.

अकुसलं नभावनाय पहातब्बहेतुकं धम्मं पटिच्च नकुसलो ननभावनाय पहातब्बहेतुको धम्मो उप्पज्जति हेतुपच्चया… हेतुया तीणि.

५१. कुसलं सवितक्कं धम्मं पटिच्च नकुसलो नसवितक्को धम्मो उप्पज्जति हेतुपच्चया… हेतुया तेरस.

कुसलं अवितक्कं धम्मं पटिच्च नअकुसलो नअवितक्को धम्मो उप्पज्जति हेतुपच्चया… हेतुया नव.

५२. कुसलं सविचारं धम्मं पटिच्च नकुसलो नसविचारो धम्मो उप्पज्जति हेतुपच्चया… हेतुया तेरस.

कुसलं अविचारं धम्मं पटिच्च नअकुसलो नअविचारो धम्मो उप्पज्जति हेतुपच्चया… हेतुया नव.

५३. कुसलं सप्पीतिकं धम्मं पटिच्च नकुसलो नसप्पीतिको धम्मो उप्पज्जति हेतुपच्चया… हेतुया तेरस.

कुसलं अप्पीतिकं धम्मं पटिच्च नअकुसलो नअप्पीतिको धम्मो उप्पज्जति हेतुपच्चया… हेतुया नव.

५४. कुसलं पीतिसहगतं धम्मं पटिच्च नकुसलो नपीतिसहगतो धम्मो उप्पज्जति हेतुपच्चया… हेतुया तेरस.

कुसलं नपीतिसहगतं धम्मं पटिच्च नअकुसलो ननपीतिसहगतो धम्मो उप्पज्जति हेतुपच्चया… हेतुया नव.

५५. कुसलं सुखसहगतं धम्मं पटिच्च नकुसलो नसुखसहगतो धम्मो उप्पज्जति हेतुपच्चया… हेतुया तेरस.

कुसलं नसुखसहगतं धम्मं पटिच्च नअकुसलो ननसुखसहगतो धम्मो उप्पज्जति हेतुपच्चया… हेतुया नव.

५६. कुसलं उपेक्खासहगतं धम्मं पटिच्च नकुसलो नउपेक्खासहगतो धम्मो उप्पज्जति हेतुपच्चया… हेतुया तेरस.

कुसलं नउपेक्खासहगतं धम्मं पटिच्च नकुसलो ननउपेक्खासहगतो धम्मो उप्पज्जति हेतुपच्चया… हेतुया नव.

५७. अब्याकतं कामावचरं धम्मं पटिच्च नकुसलो नकामावचरो धम्मो उप्पज्जति हेतुपच्चया… हेतुया तीणि.

कुसलं नकामावचरं धम्मं पटिच्च नकुसलो ननकामावचरो धम्मो उप्पज्जति हेतुपच्चया… हेतुया छ.

५८. कुसलं रूपावचरं धम्मं पटिच्च नकुसलो नरूपावचरो धम्मो उप्पज्जति हेतुपच्चया… हेतुया छ.

अब्याकतं नरूपावचरं धम्मं पटिच्च नकुसलो ननरूपावचरो धम्मो उप्पज्जति हेतुपच्चया… हेतुया तीणि.

५९. कुसलं अरूपावचरं धम्मं पटिच्च नकुसलो नअरूपावचरो धम्मो उप्पज्जति हेतुपच्चया… हेतुया छ.

अब्याकतं नअरूपावचरं धम्मं पच्चया नअब्याकतो ननअरूपावचरो धम्मो उप्पज्जति हेतुपच्चया… हेतुया पञ्च.

६०. अब्याकतं परियापन्नं धम्मं पच्चया नअब्याकतो नपरियापन्नो धम्मो उप्पज्जति हेतुपच्चया… हेतुया पञ्च.

कुसलं अपरियापन्नं धम्मं पटिच्च नकुसलो नअपरियापन्नो धम्मो उप्पज्जति हेतुपच्चया… हेतुया छ.

६१. कुसलं निय्यानिकं धम्मं पटिच्च नकुसलो ननिय्यानिको धम्मो उप्पज्जति हेतुपच्चया… हेतुया तीणि.

अब्याकतं अनिय्यानिकं धम्मं पच्चया नअब्याकतो नअनिय्यानिको धम्मो उप्पज्जति हेतुपच्चया… हेतुया तीणि.

६२. कुसलं नियतं धम्मं पटिच्च नकुसलो ननियतो धम्मो उप्पज्जति हेतुपच्चया… हेतुया छ.

अब्याकतं अनियतं धम्मं पच्चया नअब्याकतो नअनियतो धम्मो उप्पज्जति हेतुपच्चया… हेतुया पञ्च.

६३. अब्याकतं सउत्तरं धम्मं पच्चया नअब्याकतो नसउत्तरो धम्मो उप्पज्जति हेतुपच्चया… हेतुया पञ्च.

कुसलं अनुत्तरं धम्मं पटिच्च नकुसलो नअनुत्तरो धम्मो उप्पज्जति हेतुपच्चया… हेतुया छ.

६४. अकुसलं सरणं धम्मं पटिच्च नअकुसलो नसरणो धम्मो उप्पज्जति हेतुपच्चया. अकुसलं सरणं धम्मं पटिच्च नकुसलो नसरणो धम्मो उप्पज्जति हेतुपच्चया. अकुसलं सरणं धम्मं पटिच्च नकुसलो नसरणो च नअकुसलो नसरणो च धम्मा उप्पज्जन्ति हेतुपच्चया. हेतुया तीणि.

अब्याकतं अरणं धम्मं पच्चया नअब्याकतो नअरणो धम्मो उप्पज्जति हेतुपच्चया. अब्याकतं अरणं धम्मं पच्चया नकुसलो नअरणो धम्मो उप्पज्जति हेतुपच्चया. अब्याकतं अरणं धम्मं पच्चया नकुसलो नअरणो च नअब्याकतो नअरणो च धम्मा उप्पज्जन्ति हेतुपच्चया. हेतुया तीणि.