१-७. पटिच्चवारादि

पच्चयचतुक्कं

हेतुपच्चयो

१. कुसलं हेतुं धम्मं पटिच्च नकुसलो नहेतु धम्मो उप्पज्जति हेतुपच्चया. कुसलं हेतुं धम्मं पटिच्च नअकुसलो नहेतु धम्मो उप्पज्जति हेतुपच्चया. कुसलं हेतुं धम्मं पटिच्च नअब्याकतो नहेतु धम्मो उप्पज्जति हेतुपच्चया. कुसलं हेतुं धम्मं पटिच्च नअकुसलो नहेतु च नअब्याकतो नहेतु च धम्मा उप्पज्जन्ति हेतुपच्चया. कुसलं हेतुं धम्मं पटिच्च नकुसलो नहेतु च नअकुसलो नहेतु च धम्मा उप्पज्जन्ति हेतुपच्चया. (५)

अकुसलं हेतुं धम्मं पटिच्च नअकुसलो नहेतु धम्मो उप्पज्जति हेतुपच्चया. अकुसलं हेतुं धम्मं पटिच्च नकुसलो नहेतु धम्मो उप्पज्जति हेतुपच्चया. अकुसलं हेतुं धम्मं पटिच्च नअब्याकतो नहेतु धम्मो उप्पज्जति हेतुपच्चया. अकुसलं हेतुं धम्मं पटिच्च नकुसलो नहेतु च नअब्याकतो नहेतु च धम्मा उप्पज्जन्ति हेतुपच्चया. अकुसलं हेतुं धम्मं पटिच्च नकुसलो नहेतु च नअकुसलो नहेतु च धम्मा उप्पज्जन्ति हेतुपच्चया. (५)

अब्याकतं हेतुं धम्मं पटिच्च नकुसलो नहेतु धम्मो उप्पज्जति हेतुपच्चया. अब्याकतं हेतुं धम्मं पटिच्च नअकुसलो नहेतु धम्मो उप्पज्जति हेतुपच्चया. अब्याकतं हेतुं धम्मं पटिच्च नकुसलो नहेतु च नअकुसलो नहेतु च धम्मा उप्पज्जन्ति हेतुपच्चया. (३) (संखित्तं.)

हेतुया तेरस, आरम्मणे नव…पे… अविगते तेरस.

पच्चनीयं

नआरम्मणपच्चयो

२. कुसलं हेतुं धम्मं पटिच्च नकुसलो नहेतु धम्मो उप्पज्जति नआरम्मणपच्चया. (संखित्तं.)

नआरम्मणे नव, नअधिपतिया तेरस…पे… नविप्पयुत्ते नव.

(सहजातवारम्पि…पे… सम्पयुत्तवारम्पि पटिच्चवारसदिसं वित्थारेतब्बं.)

हेतु-आरम्मणपच्चया

३. कुसलो हेतु धम्मो नकुसलस्स नहेतुस्स धम्मस्स हेतुपच्चयेन पच्चयो. कुसलो हेतु धम्मो नअकुसलस्स नहेतुस्स धम्मस्स हेतुपच्चयेन पच्चयो. कुसलो हेतु धम्मो नअब्याकतस्स नहेतुस्स धम्मस्स हेतुपच्चयेन पच्चयो. कुसलो हेतु धम्मो नअकुसलस्स नहेतुस्स च नअब्याकतस्स नहेतुस्स च धम्मस्स हेतुपच्चयेन पच्चयो. कुसलो हेतु धम्मो नकुसलस्स नहेतुस्स च नअकुसलस्स नहेतुस्स च धम्मस्स हेतुपच्चयेन पच्चयो. (५)

अकुसलो हेतु धम्मो नअकुसलस्स नहेतुस्स धम्मस्स हेतुपच्चयेन पच्चयो… पञ्च.

अब्याकतो हेतु धम्मो नकुसलस्स नहेतुस्स धम्मस्स हेतुपच्चयेन पच्चयो… तीणि.

कुसलो हेतु धम्मो नकुसलस्स नहेतुस्स धम्मस्स आरम्मणपच्चयेन पच्चयो. (संखित्तं.)

४. हेतुया तेरस, आरम्मणे अट्ठारस…पे… अविगते तेरस. (पञ्हावारं वित्थारेतब्बं.)

५. कुसलं नहेतुं धम्मं पटिच्च नअकुसलो ननहेतु धम्मो उप्पज्जति हेतुपच्चया. कुसलं नहेतुं धम्मं पटिच्च नअब्याकतो ननहेतु धम्मो उप्पज्जति हेतुपच्चया. (संखित्तं.)

हेतुया नव, आरम्मणे नव…पे… अविगते नव. (सब्बत्थ नव.)