१-१०. कुसलत्तिक-सप्पटिघदुकं

१९. अब्याकतं सप्पटिघं धम्मं पटिच्च नकुसलो नसप्पटिघो धम्मो उप्पज्जति हेतुपच्चया. अब्याकतं सप्पटिघं धम्मं पटिच्च नअकुसलो नसप्पटिघो धम्मो उप्पज्जति हेतुपच्चया. अब्याकतं सप्पटिघं धम्मं पटिच्च नकुसलो नसप्पटिघो च नअकुसलो नसप्पटिघो च धम्मा उप्पज्जन्ति हेतुपच्चया. हेतुया तीणि.

कुसलं अप्पटिघेन तीणि. अकुसलं अप्पटिघेन तीणि. अब्याकतं अप्पटिघेन तीणि. कुसलं अप्पटिघञ्च अब्याकतं अप्पटिघञ्च तीणि. अकुसलं अप्पटिघञ्च अब्याकतं अप्पटिघञ्च तीणि. हेतुया पन्नरस.