१००-१९. सरणदुक-अतीतारम्मणत्तिकं

१००. सरणं अतीतारम्मणं धम्मं पटिच्च नसरणो नअतीतारम्मणो धम्मो उप्पज्जति हेतुपच्चया. अरणं अतीतारम्मणं धम्मं पटिच्च नसरणो नअतीतारम्मणो धम्मो उप्पज्जति हेतुपच्चया. हेतुया द्वे.

सरणं अनागतारम्मणं धम्मं पटिच्च नसरणो नअनागतारम्मणो धम्मो उप्पज्जति हेतुपच्चया. अरणं अनागतारम्मणं धम्मं पटिच्च नसरणो नअनागतारम्मणो धम्मो उप्पज्जति हेतुपच्चया. हेतुया द्वे.

सरणं पच्चुप्पन्नारम्मणं धम्मं पटिच्च नसरणो नपच्चुप्पन्नारम्मणो धम्मो उप्पज्जति हेतुपच्चया. अरणं पच्चुप्पन्नारम्मणं धम्मं पटिच्च नसरणो नपच्चुप्पन्नारम्मणो धम्मो उप्पज्जति हेतुपच्चया. हेतुया द्वे.